Верагодная дата візыту — 21—22 траўня.
Верагодная дата візыту — 21—22 траўня. На просьбу Радыё Свабода ўдакладніць тэрмін прыбыцьця Махмуда Ахмадзінэжада ў амбасадзе Ірану ў Беларусі адказалі, што яшчэ чакаюць пацьверджаньня зь Міністэрства замежных справаў сваёй краіны.
У амбасадзе таксама паведамілі, што заўтра ў Менск прылятае прэсавы аташэ прэзыдэнта Ірану, які й давядзе да мэдыяў больш падрабязную інфармацыю.
Кіраўнік прэсавай службы прэзыдэнта Беларусі Павал Лёгкі на нашае пытаньне аб дне прылёту ў Беларусь прэзыдэнта Ірану сказаў:
«Я ўпэўнена адкажу на гэта пытаньне толькі заўтра».
Да гэтага візыту бакі маюць намер падрыхтаваць некалькі пагадненьняў дзеля разьвіцьця двухбаковага супрацоўніцтва ў розных галінах, у тым ліку ў эканамічнай.
Кіраўнік Беларусі Аляксандар Лукашэнка наведваў Іран у сьнежні 2003 году і ў лістападзе 2006 году.
А ў верасьні 2004 году адбыўся афіцыйны візыт у Беларусь тагачаснага прэзыдэнта Ірану Махамада Хатамі.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай30
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары