Адміністрацыя спэцкамэндатуры паведаміла палітвязьню, што заўтра, 22 траўня будзе суд, на якім вырашыцца пытаньне аб умоўна-датэрміновым вызваленьні. Бацька палітвязьня Паўла Севярынца амаль на 100 адсоткаў упэўнены, што сына адпусьцяць. «Яму кіраўніцтва папраўчай установы сказала літаральна — з рэчамі на выхад».
Адміністрацыя спэцкамэндатуры паведаміла палітвязьню, што заўтра, 22 траўня адбудзецца суд, на якім будзе вырашацца пытаньне аб умоўна-датэрміновым вызваленьні былога лідэра "Маладога фронту". Павал Севярынец адбывае пакараньне ў вёсцы Малае Сітна Полацкага раёну за арганізацыю вулічных дэманстрацый пратэсту супраць фальсыфікацыі вынікаў выбараў і рэфэрэндуму 2004 году.
Бацька палітвязьня Паўла Севярынца амаль на 100 адсоткаў упэўнены, што сына адпусьцяць. «Яму кіраўніцтва папраўчай установы сказала літаральна — з рэчамі на выхад», — кажа сп. Кастусь і дадае, што мае інфармацыю з розных крыніцаў пра загад вызваліць яго сына ўмоўна?датэрмінова. Па словах бацькі, у выпадку, калі Паўлу прапануюць прызнаць сваю віну, то ён застанецца даседжваць свой тэрмін.
Цяпер бацькі Паўля Севярынца шукаюць аўто, каб вывесьці назьбіраныя за два гады пажыткі.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары