№ 4 (213), 22 — 29 студзеня 2001 г.
The Daily Telegraph
аб прэтэнзіях Нямеччыны на Каралявец
Брытанская газэта The Daily Telegraph учора надрукавала сэнсацыйны матэрыял, паводле якога Нямеччына мае намер дамагчыся “эканамічнага панаваньня” ў каралявецкім (калінінградзкім) анкляве Расеі. За права зрабіць гэта Бэрлін быццам бы гатовы дараваць Маскве ейны доўг у 22 млрд. даляраў. Быццам бы гэтая тэма абмяркоўвалася ў часе візыту канцлера Шродэра ў Маскву. Шродэр таксама прапаноўваў Пуціну пашырэньне эканамічнае дапамогі былой Усходняй Прусіі з боку ФРН.
Калі гэтыя зьвесткі – не прыдумка брытанскіх газэтчыкаў, дык Нямеччына разьлічвае моцна павялічыць сваю прысутнасьць на ўсходзе Эўропы. Страта Расеяю Караляўца адпавядала б нацыянальным інтарэсам Беларусі.
А што пэўна — нямецкі ўрад перадаў у Эўразьвяз праект дамовы пра супрацоўніцтва з Калінінградзкай вобласьцю. 2001 год абвешчаны ў Нямеччыне г.зв. «прускім годам».
Варта нагадаць, што тыдзень таму беларускі віцэ-прэм’ер Козік паставіў пытаньне фактычна пра перадачу гэтага балтыйскага анкляву пад падвойную беларуска-расейскую юрысдыкцыю. А што? Беларусь магла б саступіць прыморскую тэрыторыю нямецкім сябрам па нашмат лепшай цане.
Б.Т.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары