№ 4 (213), 22 — 29 studzienia 2001 h.
The Daily Telegraph
ab pretenzijach Niamieččyny na Karalaviec
Brytanskaja hazeta The Daily Telegraph učora nadrukavała sensacyjny materyjał, pavodle jakoha Niamieččyna maje namier damahčysia “ekanamičnaha panavańnia” ŭ karalavieckim (kalininhradzkim) anklavie Rasiei. Za prava zrabić heta Berlin byccam by hatovy daravać Maskvie jejny doŭh u 22 młrd. dalaraŭ. Byccam by hetaja tema abmiarkoŭvałasia ŭ časie vizytu kanclera Šrodera ŭ Maskvu. Šroder taksama prapanoŭvaŭ Pucinu pašyreńnie ekanamičnaje dapamohi byłoj Uschodniaj Prusii z boku FRN.
Kali hetyja źviestki – nie prydumka brytanskich hazetčykaŭ, dyk Niamieččyna raźličvaje mocna pavialičyć svaju prysutnaść na ŭschodzie Eŭropy. Strata Rasiejaju Karalaŭca adpaviadała b nacyjanalnym intaresam Biełarusi.
A što peŭna — niamiecki ŭrad pieradaŭ u Eŭraźviaz prajekt damovy pra supracoŭnictva z Kalininhradzkaj vobłaściu. 2001 hod abvieščany ŭ Niamieččynie h.zv. «pruskim hodam».
Varta nahadać, što tydzień tamu biełaruski vice-premjer Kozik pastaviŭ pytańnie faktyčna pra pieradaču hetaha bałtyjskaha anklavu pad padvojnuju biełaruska-rasiejskuju jurysdykcyju. A što? Biełaruś mahła b sastupić prymorskuju terytoryju niamieckim siabram pa našmat lepšaj canie.
B.T.
Kamientary