Трусаў: гэта вынік тысячаў лістоў ад грамадзянаў і росту на 12 тысячаў лічбы выпускнікоў, якія выбралі беларускую на тэставаньні.
Трусаў: гэта вынік тысячаў лістоў ад грамадзянаў і росту на 12 тысячаў лічбы выпускнікоў, якія выбралі беларускую на тэставаньні.
У Міністэрстве адукацыі не выключаюць увядзення з новага навучальнага года ў ВНУ абавязковага курса прафесійнай лексікі беларускай мовы.
У інтэрвью БелаПАН прэс-сакратар Мінадукацыі Віктар Іўчанкоў зазначыў, што на працягу навучальнага 2006/2007 года рэктараты вышэйшых навучальных ўстаноў самастойна вырашалі пытанне аб неабходнасці ўвядзення для тых ці іншых спецыяльнасцяў курса прафесійнай лексікі беларускай мовы за кошт гадзін, якія адводзяцца ў вучэбных планах на спецкурсы і факультатывы. "Але з месцаў выказваюцца прапановы вярнуць курс прафесійнай лексікі беларускай мовы ў абавязковы кампанент адукацыйных стандартаў ВНУ. Верагодней за ўсё, так яно і будзе, і ў новым навучальным годзе ў пералік абавязковых сацыяльна-гуманітарных дысцыплін будзе уключаны невялікі па колькасці гадзін курс беларускай мовы (прафесійная лексіка)", - сказаў В.Іўчанкоў.
У інтэрвью БелаПАН старшыня ГА "Таварыства беларускай мовы імя Францішка Скарыны" Алег Трусаў выказаў задавальненне станоўчай реакцыяй Адміністрацыі прэзідэнта на тысячы лістоў грамадзян Беларусі, якія прапанавалі пакінуць у ВНУ абавязковае вывучэнне курса прафессійнай лексікі беларускай мовы. "У ТБМ прыходзяць паведамленні, што ва ўсіх ВНУ ў вучэбных планах пакідаецца абавязковае вывучэнне гэтага курса, што цалкам спрыяе пашырэнню сферы ужытку дзяржаўнай беларускай мовы, асабліва ў год 125-годдзя народзінаў народных паэтаў Беларусі Янкі Купалы і Якуба Коласа", - зазначыў А.Трусаў.
Паводле яго слоў, у сітуацыі, калі большасць школ краіны працуюць на рускай мове, усе спецыялісты з вышэйшай адукацыяй, а тым больш гуманітарнага профілю, павінны дасканала ведаць дзяржаўную беларускую мову, і асабліва ў сваёй прафесіі. "Аб цікавасці беларускай моладзі да вывучэння роднай мовы сведчыць тое, што ў гэтым навучальным годзе ў параўнанні з мінулым болей чым на 12 тысяч абітурыентаў павялічылася колькасць выпускнікоў сярэдніх школ, якія выбралі беларускую мову ў якасці экзаменацыйнай дысцыпліны пры тэставанні", - падкрэсліў А.Трусаў.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі14
Каментары