На сайце litara.net зьявілася паведамленьне, што ў Амэрыцы быў страчаны архіў Натальлі Арсеньневай.
Аўтар, які схаваўся пад псэўданімам “Паштовы галубок”, цьвердзіць, што каштоўныя паперы згубіліся пры перасылцы амэрыканскай поштай з Кліўленду, дзе дажывала паэтка, у Нью-Ёрк, дзе перахоўваецца большасьць архіваў беларускае эміграцыі. Невядомы аўтар вінаваціць у гэтым архівіста Рады БНР Лявона Юрэвіча, які перасылаў архіўныя дакумэнты поштай заміж таго, каб адвезьці самому ці перадаць з надзейным чалавекам.
Сам Лявон Юрэвіч, зь якім скантактаваўся карэспандэнт “НН”, зазначыў, што ён пра згублены архіў Арсеньневай дакладна нічога ня ведае: чуў хіба ад іншых плёткі наконт гэтага. Асобныя паперы з архіву Арсеньневай захоўваюцца ў зборах БІНіМу, дзе зь імі знаёміўся Л.Юрэвіч, працуючы над кнігай “Беларуская мэмуарыстыка на эміграцыі”. Л.Юрэвіч параіў дазнацца пра справу ў сына паэткі, зьвязацца зь якім пакуль не ўдалося.
АШ
У загінулай у Сляпянцы дзяўчыне апазналі Яну Кастранкову2
Каментары