У Расіі ТЭФІ за найлепшую асветніцкую перадачу атрымаў аўтар фільма аб плоскай Зямлі
У Маскве, у кіназале «Расія», адбылося ўручэнне прэмій ТЭФІ за найлепшыя тэлевізійныя перадачы і праекты. У намінацыі «Асветніцкая перадача» перамогу святкавала праграма «Ваенная тайна» тэлеканала РЭН-ТВ.
Адметна, што вядучым «Ваеннай тайны» з’яўляецца Ігар Пракапенка. Ад 1998 года 52-гадовы Пракапенка працуе на РЭН-ТВ, дзе робіць шэраг перадач.
Сярод ягоных праектаў таксама «Самыя шакуючыя гіпотэзы» і «Тэорыя заблуджэнняў».
У перадачы «Самыя шакуючыя гіпотэзы» ўжо неаднаразова выходзілі выпускі прысвечаныя таму, што Зямля насамрэч не круглая, а плоская.
Гэта ўжо сёмая статуэтка ТЭФІ, якую атрымаў за сваю працу Пракапенка.
Што тычыцца праграмы «Ваенная тайна», то ў ёй багата антыўкраінскай і антызаходняй прапаганды.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў8
Каментары