Ліст у бутэльцы ад хлопчыка з Мінска праплыў пяць тысяч кіламетраў за тры гады
Жыхары ірландскага горада Белфаст (Вялікабрытанія) падчас прагулкі па пляжы знайшлі ліст у бутэльцы, якая за тры гады праплыла пяць тысяч кіламетраў, і вырашылі адшукаць адпраўніка.
Пра гісторыю паведамляе выданне Donegal Daily.
Рыта Сіманс і Кіран Мэран гулялі па пляжы і знайшлі ў пяску пляшку, у якой знаходзілася запіска і два даляры. Пара акуратна адаркавала бутэльку і даведалася, што пасланне напісаў 11-гадовы Саша.
Аўтар паслання распавядаў, як тры гады таму кінуў бутэльку ў акіян у амерыканскім Оўшэн-Сіці (Мэрыленд). У запісцы быў указаны тэлефонны нумар, але ён быў адключаны.
Затым Рыта і Кіран даведаліся, што Саша — хлопчык з Мінска, некалі жыў у Мэрылэндзе. Магчыма, ён вярнуўся дахаты. Затым Рыта і Кіран звязаліся з бацькам Сашы, суседам у Мэрылэндзе і дзвюма газетамі ў Мэрылэндзе.
Да панядзелка балтыморская газета звязалася з гэтай парай. Высветлілася, што ў рэпарцёра газеты ёсць сябар, які ведае бацькоў Сашы.
Рыта і Кіран кажуць, што яны ў захапленні ад прагрэсу і цяпер спадзяюцца атрымаць відэазванок з самім хлопчыкам.
Галодны барсук у Іспаніі шукаў сабе ежу, а адкапаў велізарны скарб
Сабака тры з паловай гады чакаў гаспадара ў часовым прытулку і дачакаўся
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары