Галодны барсук у Іспаніі шукаў сабе ежу, а адкапаў велізарны скарб
Галодны барсук раскапаў самую вялікую калекцыю рымскіх манет, якія калі-небудзь ўдавалася знайсці на поўначы Іспаніі. Скарб знайшлі каля нары жывёлы ў муніцыпалітэце Града, што ў Астурыі.
Лічыцца, што жывёла знайшла скарб, адчайна шукаючы ежу мінулай зімой, якая была вельмі суровай. Рэгіён тады накрыў моцны снегапад падчас шторму «Філамена», піша Бі-бі-сі Украіна.
У адчайных спробах знайсці ежу жывёла раскапала невялікую шчыліну каля свайго сховішча. Але прымянення старым манетам барсук не прыдумаў, пакінуўшы частку з іх ля свайго логава.
Археолагі знайшлі 209 прадметаў падчас наведвання пячоры Ла-Куэста разам з мясцовым жыхаром.
Калекцыя манет аказалася сапраўднай знаходкай, якая датуецца прыкладна 3-5 стагоддзямі нашай эры. Лічыцца, што манеты былі выраблены ў Канстанцінопалі (Стамбул) і Салоніках, распавёў адзін з даследнікаў у каментары іспанскай газеце El País.
Даследчыкі дадалі, што гэта самы вялікі на сёння скарб рымскіх манет, знойдзены ў пячоры на поўначы Іспаніі.
Іншыя манеты знайшлі ў лясах Града ў 1930-х гадах. Тады ў гэтым раёне знайшлі 14 залатых манет часоў праўлення рымскага імператара Канстанціна I.
Даследчы праект, які фінансуецца Дэпартаментам культуры правінцыі Астурыя, знаходзіцца на пачатковым этапе, і даследчыкі спадзяюцца вярнуцца ў гэтую мясцовасць, каб правесці дадатковыя раскопкі.
Але пакуль толькі барсук ведае, ці можна знайсці яшчэ скарб.
Цяпер чытаюць
У Драздах выставілі на продаж катэдж з рэкорднай цаной — $7,5 мільёна ШМАТ ФОТА7
Каментары