Колькасць працоўных мігрантаў у Беларусі за год павялічылася амаль у тры разы
У Міністэрстве ўнутраных спраў паведамілі, што колькасць працоўных мігрантаў у краіне павялічылася за год у 2,8 раза і цяпер складае 34 тысячы чалавек. Гэтыя даныя паведаміў начальнік Упраўлення знешняй працоўнай міграцыі МУС Уладзімір Маргевіч у эфіры тэлеканала СТВ.
Здымак ілюстрацыйны. Фота: unctad.org
Чыноўнік адзначыў, што рост колькасці працоўных мігрантаў адбываецца паступова. У 2023 годзе міграцыя была малая, аднак пасля зменаў у працоўным заканадаўстве з першага паўгоддзя 2023 года плынь працоўных мігрантаў істотна павялічылася.
У прыватнасці, у 2024 годзе колькасць працоўных мігрантаў вырасла ў 2,8 раза і дасягнула 34 тысяч чалавек. У мінулым годзе той жа Маргевіч казаў пра 11 тысяч працоўных мігрантаў.
Чытайце таксама:
Лукашэнка зноў заявіў пра патрэбу запрашэння працоўных мігрантаў
У Мачулішчах затрымалі нелегалаў з Афганістана і Пакістана
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец