Лукашэнка абавязаў наймальнікаў цалкам кантраляваць жыццё работнікаў-замежнікаў — аж да таго, ці парадак у кватэры
Аляксандр Лукашэнка падпісаў указ «Аб павышэнні ролі наймальнікаў у галіне знешняй працоўнай міграцыі».
Дакумент абавязвае наймальнікаў татальна кантраляваць замежнікаў, якіх яны ўзялі на працу. Гэта не датычыцца мігрантаў з краін ЕАЭС — Арменіі, Казахстана, Кыргызстана і Расіі.
Цяпер прадпрыемства, якое запрашае замежніка, абавязана заключыць з ім працоўную дамову на працягу 30 дзён з даты ўезду работніка ў Беларусь, альбо ў той жа тэрмін з моманту атрымання дазволу на працу.
Наймальнік цяпер абавязаны кантраляваць свайго работніка-замежніка. Ён павінен прызначыць спецыяльнага чалавека, які будзе сачыць за тым, як мігрант працуе, а таксама як ён выконвае правілы і законы.
У прыватнасці, такая адказная асоба павінна будзе сачыць, ці жыве замежнік па месцы рэгістрацыі, ці ў парадку ў яго кватэра, ці не парушае мігрант правілы пражывання і ці сочыць за тэрмінамі дзеяння дакументаў.
Правы і абавязкі, а таксама службовую інструкцыю да замежнікаў трэба будзе даводзіць на зразумелай ім мове.
Таксама для некаторых спецыяльнасцяў урад увядзе абавязковае веданне рускай або беларускай мовы. Правяраць узровень ведаў павінен будзе таксама наймальнік. Калі ведаў недастаткова, то мігранта на такую пасаду не возьмуць.
У выпадку парушэння сваіх абавязкаў наймальніка будуць караць. Указ таксама забараняе часовы перавод замежніка ў іншую кампанію.
Работнікі-мігранты павінны будуць выконваць законы, жыць па месцы рэгістрацыі, выконваць правілы карыстання жылым памяшканнем. За парушэнні кантракт з замежнікам будуць скасоўваць.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»5
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары
А что, на это, скажет московская церковь в Беларуси, которая цензурирует школьные учебники беларусов ? Наверно её устраивает, что, христиане, перестанут быть христианами и станут мосульманами?
Похоже да, главное, для московской церкви в Беларуси, чтобы не уменьшалось количество рабов батрачищих на власть, а какой веры, так Бог Один !