Dziady ŭ Antverpenie
30 kastryčnika biełaruskaja hramada ŭ Antverpenie (Belhija) adznačyła Dziady. Vierniki razam sa śviatarom naviedali mohiłki ŭ Lovenie, dzie na mahile kampazytara Mikoły Ravienskaha była adpraŭlena panichida za dušy ŭsich «praščuraŭ-dziadoŭ Biełaruskaha narodu», paviedamlaje Biełaruska-eŭrapiejskaje zadzinočańnie. U biełarusaŭ Belhii stała dobraj tradycyjaj u pamiatnyja dni źbiracca na miescy pachavańnia aŭtara muzyki «Mahutnaha Boža».
13 hod u “psichušcy”
U Kitai paśla 13 hod znachodžańnia ŭ psychijatryčnym špitali vypuščany na svabodu 56-hadovy dysydent Vonh Vansinh. Jon u 1992 h. vyjšaŭ na pekinskuju płošču Cianańmeń, kab adznačyć trecija ŭhodki kryvavaha razhonu studenckaj demanstracyi. Vonh trymaŭ plakat, jaki zaklikaŭ Kampartyju dać acenku padziejam 1989 h., a taksama represiam padčas kulturnaj revalucyi ŭ Kitai. Vonha źmiaścili ŭ psychijatryčny špital z dyjahnazam “paranoja”.
MB
Japonskaja prahrama dapamohi biednym
Ciaham piaci hadoŭ abjom dapamohi biednym krainam, jakaja ŭ 2003—2004 h. skłała 89 młrd dalaraŭ, budzie pavialičany na 10 młrd dalaraŭ. Japonija — adna ź viadučych krainaŭ-donaraŭ, na jakuju prypadaje 20% suśvietnych abjomaŭ finansavaje padtrymki treciaha śvietu. 60% usiej dapamohi idzie ŭ krainy Azii.
Asnoŭnyja mety prahramy — baraćba z halečaj i spryjańnie ŭstojlivamu raźvićciu.
Padrychtavaŭ Pavał Łyčkoŭski
Ciapier čytajuć
Cichanoŭski patłumačyŭ, čamu jon tak pavodziŭ siabie ŭ Ńju-Jorku56
Kamientary