Lik 40 zhadvajecca ŭ Biblii 146 razoŭ, i hałoŭnaje značeńnie jaho — čas vyprabavańnia j vytryvałaści. Z hetaha hledzišča pabudavanaja ŭ 1972 hodzie carkva imia śv. Jeŭfrasińni Połackaj dy zasnavanaja na pačatku 1950-ch hadoŭ parafija (jurysdykcyi Kanstantynopalskaj patryjarchii) vytrymali vyprabavańnie časam.
18-ha listapada sioleta prychadžańnie adznačyli hetuju datu malitvaj i zastollem. Hetaje apošniaje adbyłosia ŭ prastornaj zali hramadzkaha centru, jaki budavaŭsia paralelna z carkvoj. Pryhoža ŭdekaravanyja stały j zala dy bahataja vystaŭka histaryčna značnych fotazdymkaŭ nadali śviatkavańniu ŭračystiu atmasferu.
Sp-nia IrenaDutko vydała da hetaj histaryčnaj daty apracavanuju joju pryhožuju jubilejnuju paštoŭku.
Paśla liturhii j malebnu zala napoŭniłasia ludźmi z mnostvam dziaciej. Ajciec Michaił błasłaviŭ stały, carkoŭny chor pad kiraŭnictvam rehienta Valancina Dziamieščyka praśpiavaŭ malitvu-himn «Mahutny Boža».
Bankiet sa smakavitaj ježaj, padrychtavanaj siastryctvam, prajšoŭ u pryjemnaj atmasfery
hutarak-uspaminaŭ. Pramaŭlali na temu dnia sp. Žorž Leščanka, staršynia carkoŭnaj rady, nastajaciel a. Michaił, mer horadu sp. Džon Krenzel, jaki začytaŭ admysłovuju praklamacyju z nahody śviata, dr. Janka Zaprudnik. Pryvitańnie ź Miensku prysłaŭ historyk Aleh Hardzijenka, jaki pracavaŭ u archivie saŭtryverskaj carkvy, aŭtar dźviuch knižak pra amerykanskich biełarusaŭ. Spadarstva Valantyn i Taćciana Dziamieščyki j
sp-nia Viła Leŭčuk zabiaśpiečyli
hledačam-słuchačam muzyčnuju j tancavalnuju prahramu z udziełam dziaciej i moładzi, a ŭ karahodzie «Lavonicha» — i starejšych asobaŭ. Proźviščy arhanizataraŭ śviatkavańnia i ŭdzielnikaŭ mastackaj prahramy nazvanyja ŭ carkoŭnym anhłamoŭnym biuleteni, jaki štotydnia publikuje a. Michaił (www.belaruschurch.com — December 2, 2012).
Saŭtryverskaja carkva j budynak hramadzkaha centru razam ź nievialikim parkam i pomnikam zmaharam ź niezaležnaść Biełarusi — unikalnyja abjekty ŭ historyi pavajennaj biełaruskaj emihracyi na Zachadzie.
Jany pabudavany poŭnaściu rukami samich viernikaŭ. Capier, paśla
40-hadovaha isnavańnia, z bahataj historyjaj za plačyma, hety centar amerykanskaj biełaruščyny čakaje svajho letapisca. Znajści takoha — vielmi važna dla budučyni carkoŭnaha prychodu j cełaha asiarodka. Pra heta havaryŭ u svaim słovie Janka Zaprudnik. Miascovym maładym amerykancam biełaruskaha pachodžańnia treba apavieści pra
ajcoŭ-papiarednikaŭ, jakija samaachviarna zabiaśpiečyli im takuju bahatuju spadčynu.
Maralny abaviazak sučaśnikaŭ — harantavać joj budučyniu. Adzin sa sposabaŭ u takim namahańni heta — vydać hruntoŭna apracavanuju knižku pra historyju biełaruska-amerykanskaha Saŭt Ryvera.
Dobry pačatak takomu prajektu pakłaŭ sp. Vital Ciarpicki, staršynia budaŭlanaha kamitetu j aŭtar biełaruskamoŭnaha ilustravanaha daviednika «Historyja pabudovy pravasłaŭnaje carkvy imia śv. Jeŭfrasińni Połackaj u Saŭt Ryvery, Ńju Džerzi».
Kamientary