U Abchazii 30‑hadovaja hramadzianka Biełarusi Hanna Hajeva źviarnułasia pa dapamohu ŭ miascovaje MUS praz vałancioraŭ. Žančyna paviedamiła pra žorstkaje abychodžańnie ź joj z boku muža — žychara Abchazii, piša Tochka.by.
Pavodle słoŭ biełaruski, mužčyna pahražaŭ joj, adabraŭ telefon i dakumienty — paśviedčańnie ab šlubie i naradžeńni dziaciej — a taksama zabłakavaŭ dostup u kvateru, dzie zastalisia ŭsie asabistyja rečy. U vyniku Hanna razam z dvuma małymi dziećmi (troch i čatyroch hadoŭ) apynułasia faktyčna na vulicy biez srodkaŭ da isnavańnia.
Supracoŭniki abchazskaj milicyi praviali pravierku pa fakcie zvarotu. Jany paviedamili, što byli apytanyja abodva baki kanfliktu i prymajucca miery dla viartańnia žančynie dakumientaŭ, zabieśpiačeńnia joj dostupu da žylla i asabistych rečaŭ.
Paśla da situacyi dałučylisia vałanciory. Jany arhanizavali zbor srodkaŭ, nabyŭšy dla Hanny i jaje dziaciej kvitki, kab jany zmahli viarnucca ŭ Biełaruś.
Ci budzie muž pryciahnuty da adkaznaści, pakul nie paviedamlajecca.
«My da Jeŭropy bližej, čym vy. A zbroi ŭ ludziej bolš, čym u miantoŭ». Jak žyvie Abchazija pad kantrolem Rasii
«Dzie byli orhany apieki?» Chatnim tyranam, jaki zabiŭ svaju žonku ŭ Mazyry, akazaŭsia apieratar NPZ
Małady biełarus u ZŠA napaŭ na svaju dziaŭčynu i pahaliŭ joj hałavu — kali taja daviedałasia, što jon žanaty
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak2
Kamientary