Padčas pryznačeńnia novaha staršyni kancerna «Biellespapierapram» Alaksandra Pierasłaŭcava 10 śniežnia Alaksandr Łukašenka zapatrabavaŭ, kab usie pytańni raźvićcia drevaapracoŭčaj haliny vyrašalisia maksimalna apieratyŭna, paviedamiłapres-słužba kiraŭnika dziaržavy.
«My ŭ nastupnym hodzie hałoŭnym čynam pavinny hetyja vytvorčaści vydać. Sprava nie tolki ŭ hrošach. Inšyja krainy, dzie jość drevaapracoŭka, nie śpiać. Jany ŭvodziać novyja vytvorčaści. A chto pieršy pryjdzie na rynki, toj i budzie imi vałodać. Popyt na hetuju pradukcyju vielmi vialiki», — zajaviŭ Łukašenka.
«Tamu ja praktyčna šturmam prapanuju ŭziać hetuju vyšyniu. I na drevaapracoŭcy my navučym i inšych, jak treba pracavać i stavicca da spravy», — padkreśliŭ jon.
«Vaša pradpryjemstva i ciapier chołdynh („Biełaruskija špalery“) — heta paśpiachovaja vytvorčaść. Jana nie zavalena i nie pravalena, — skazaŭ Łukašenka. — U nas vielmi šmat prablem u drevaapracoŭcy. Vy bačyli maje žorstkija rašeńni. Ja nie mahu prabačyć byłomu kiraŭnictvu hetaje zaciahvańnie z uvodam mahutnaściaŭ. Heta ž i adpaviednyja straty. Vy nikoli nie spynialisia, vynachodzili štości novaje. Tamu i zastalisia na płavu. Tak pavinny byli pracavać i inšyja. Ale navat tam, dzie prezident padpisaŭ ukaz pa hetych dzieviaci vielizarnych kambinatach, byli pravaleny terminy».Źviartajučysia da Pierasłaŭcava, Łukašenka adznačyŭ, što vybar jaho kandydatury byŭ u tym liku źviazany z paśpiachovaj pracaj na raniejšaj pasadzie.
«Zaraz usie šturmam sprabujuć uziać. I ŭsie hetyja maje, skažam tak, niepapularnyja rašeńni z nahody zvalnieńniaŭ, zamacavańnia kadraŭ na hetych vytvorčaściach — heta nie tamu, što ich tam nie chapaje.Prosta treba paradak navieści. Nielha razbazarvać hrošy», — padkreśliŭ kiraŭnik dziaržavy.
Łukašenka adznačyŭ, što najbližejšym časam maje namier naviedać drevaapracoŭčyja pradpryjemstvy ŭ Mahilovie i Viciebsku, dzie havorka pojdzie pra realizacyju płanaŭ pa madernizacyi vytvorčaściaŭ.
***
Nahadajem, 23 listapada Łukašenka adchiliŭ ad pracy hienieralnaha dyrektara AAT «Ivacevičdreŭ» Barysa Michniuka, zajaviŭšy, što kiravać pradpryjemstvam i navodzić paradak na vytvorčaści budzie Uładzimir Šulha, jaki da hetaha byŭ staršynioj kancerna «Biellespapierapram». Padčas sustrečy z rabotnikami pradpryjemstva, jakija zapytalisia, što budzie dalej ź ich zavodam, Łukašenka skazaŭ: «Mahu dakładna skazać: takoha zavoda, jak ciapier, jaki miescami ŭ śmietnik pieratvaryŭsia, u vas sapraŭdy nie budzie. I heta zrobicie vy, mahčyma, z novym dyrektaram. Treba va ŭradzie razhledzieć pytańnie — Šulhu nakiravać siudy dyrektaram zavoda, pakul nie naviadzie paradak. A staroha my zvolnim z zaŭtrašniaha dnia, tamu što tak nichto nie pracuje».
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?9
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2222
Kamientary