Pry adnolkavym abvinavačvańni pradprymalnika pakarali miakčej, čym Bialackaha
Miakki sudovy vyrak adnosna adnaho z pradprymalnikaŭ u Homieli pa tym ža artykule, pavodle jakoha zasudzili Alesia Bialackaha, demanstruje vybaračnaść i pieraduziataść biełaruskaha pravasudździa.
Jak paviedamlaje Radyjo Svaboda sa spasyłkaj na BiełaPAN, indyvidualny pradprymalnik 32-hadovy žychar Homiela asudžany sudom da dvuch hadoŭ abmiežavańnia voli biez nakiravańnia ŭ papraŭčuju ŭstanovu adkrytaha typu, biez kanfiskacyi majomaści i z pazbaŭleńniem prava zajmacca pradprymalnickaj dziejnaściu terminam na dva hady.
Faktyčna, pradprymalnik pakarany tak zvanaj «chatniaj chimijaj», pakarańnie budzie adbyvać doma.
Pavodle prakuratury Čyhunačnaha rajonu Homielu, hety pradprymalnik z červienia pa kastryčnik 2011 hoda nie zapłaciŭ padatki ŭ asabliva bujnym pamiery (artykuł 243 Kryminalnaha kodeksu) — na sumu bolš čym 200 miljonaŭ rubloŭ. Pa prysudzie z pradprymalnika spahnany hetyja srodki.
Pa hetym ža artykule ŭ listapadzie 2011 hoda byŭ pakarany pravaabaronca Aleś Bialacki,jakoha zasudzili za niaspłatu padatkaŭ z sum, jakija jon atrymlivaŭ dla dapamohi achviaram represij i pravaabarončaj dziejnaści. Pieršamajski rajonny sud Minska pakaraŭ Alesia 4,5 hadami ŭ kałonii ŭzmocnienaha režymu z kanfiskacyjaj majomaści.
- U žniŭni 2011 hoda Aleś Bialacki byŭ aryštavany i abvinavačany va «ŭtojvańni dachodaŭ u asabliva bujnym pamiery» pa art. 243, č. 2 Kryminalnaha Kodeksa Biełarusi. 24 listapada 2011 h. sud prysudziŭ jaho da 4,5 hadoŭ kałonii strohaha režymu, kanfiskacyi majomaści - u tym liku pamiaškańnia, vykarystoŭvanaha pad ofis «Viasny» - i štrafu ŭ 757 młn 526 tys. 717 biełaruskich rubloŭ. 24 studzienia 2012 hoda Minski haradski sud paćvierdziŭ prysud. 29 sakavika 2012 hoda toj ža sud pryniaŭ novaje rašeńnie, prysudziŭšy jaho vypłacić jašče 140 młn 366 tys 151 rubiel u dadatak da ŭžo vypłačanaha ŭ studzieni 2012 hoda štrafu.
Ciapier čytajuć
Babaryka: Kali b my pieramahli — vajny va Ukrainie nie było b16
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary