Buchhałtarka prahulała ŭ anłajn-kazino 70 tysiač rubloŭ, jakija naležali firmie
Hrošy jana vyvodziła na svoj rachunak try hady.
U Minsku buduć sudzić 41‑hadovuju buchhałtarku, paviedamlajuć «Minsk-Naviny».
Žančyna sa śniežnia 2017 hoda pracavała pa sumiaščalnictvie hałoŭnym buchhałtaram u adnym z pryvatnych pradpryjemstvaŭ. Sa studzienia 2023 hoda pa studzień 2026‑ha jana, składajučy iłžyvyja płaciežnyja daručeńni, pieraviała na svoj bankaŭski rachunak amal 72 tysiačy rubloŭ, jakija naležali firmie. Usiaho 199 pieravodaŭ. Sumy kožny raz byli roznymi — ad 300 da tysiačy rubloŭ.
Hetyja hrošy buchhałtarka traciła ŭ tym liku na staŭki ŭ anłajn-kazino.
U vyniku na žančynu zaviali kryminalnuju spravu. Jaje abvinavačvajuć u kradziažy šlacham złoŭžyvańnia słužbovymi paŭnamoctvami, u asabliva bujnym pamiery (č. 4 art. 210 KK). Pa hetym artykule pahražaje pazbaŭleńnie voli na termin ad 5 da 12 hadoŭ sa štrafam i z pazbaŭleńniem prava zajmać peŭnyja pasady abo zajmacca peŭnaj dziejnaściu.
Raniej žančyna nie była sudzimaja.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary