Były prezydent Francyi Žak Šyrak byŭ vyklikany ŭ čaćvier na dopyt u suviazi sa skandałam vakoł finansavańnia jaho partyi padčas jahonaha znachodžańnia na pasadzie mera Paryžu.
Dopyt byŭ arhanizavany ŭ ofisie partyi ŭ prysutnaści advakata. Eks-prezydenta vyklikali na dopyt u jakaści śviedki, ale jamu mohuć być pradjaŭlenyja i kryminalnyja abvinačavańni.
Śviedki raźbirajuć sytuacyju vakoł schiemy fiktyŭnych pracoŭnych miescaŭ, jakaja vykarystoŭvałasia dla finansavańnia nie inujučaj užo Kanservatyŭnaj partyi Šyraka, kali jon byŭ meram francuskaj stalicy ŭ 1977—1995 hh. Havorka pra niezakonnyja vypłaty siabram hetaj partyi ŭ hety peryjad.
Advakat byłoha prezydenta zajaviŭ, što dopytaŭ Šyraka ŭ suviazi ź inšymi skandałami nia budzie.
12 hod u časie prezydenctva Šyrak karystaŭsia imunitetam i nia moh być dapytany palicyjaj. Ciapier prezydencki imunitet nie dazvalaje palicyi pryciahnuć jaho da adkaznaści pa raśledavańni śmierci francuskaha sudździ ŭ Džybuci, a taksama da raźbiralnictva pa spravie ab mierkavanych sprobach ačarnić Nikala Sarkazi. Ale hety imunitet nie raspaŭsiudžvajecca na peryjad, jaki papiaredničaŭ prezydenctvu.
U suviazi sa skandałam, nakont jakoha ŭ čaćvier dapytali eks-prezydenta, u 2004 hiu. byŭ asudžany Alen Župe, były premjer i paplečnik Šaryka. Jamu taksama zabaranili hod zajmacca palitykaj.
Šyrak admaŭlaje svaju datyčnaść da parušeńnia zakonu.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary