Былы прэзыдэнт Францыі Жак Шырак быў выкліканы ў чацьвер на допыт у сувязі са скандалам вакол фінансаваньня яго партыі падчас ягонага знаходжаньня на пасадзе мэра Парыжу.
Допыт быў арганізаваны ў офісе партыі ў прысутнасьці адваката. Экс-прэзыдэнта выклікалі на допыт у якасьці сьведкі, але яму могуць быць прад’яўленыя і крымінальныя абвіначаваньні.
Сьведкі разьбіраюць сытуацыю вакол схемы фіктыўных працоўных месцаў, якая выкарыстоўвалася для фінансаваньня не інуючай ужо Кансэрватыўнай партыі Шырака, калі ён быў мэрам францускай сталіцы ў 1977—1995 гг. Гаворка пра незаконныя выплаты сябрам гэтай партыі ў гэты пэрыяд.
Адвакат былога прэзыдэнта заявіў, што допытаў Шырака ў сувязі зь іншымі скандаламі ня будзе.
12 год у часе прэзыдэнцтва Шырак карыстаўся імунітэтам і ня мог быць дапытаны паліцыяй. Цяпер прэзыдэнцкі імунітэт не дазваляе паліцыі прыцягнуць яго да адказнасьці па расьледаваньні сьмерці францускага судзьдзі ў Джыбуці, а таксама да разьбіральніцтва па справе аб меркаваных спробах ачарніць Нікаля Сарказі. Але гэты імунітэт не распаўсюджваецца на пэрыяд, які папярэднічаў прэзыдэнцтву.
У сувязі са скандалам, наконт якога ў чацьвер дапыталі экс-прэзыдэнта, у 2004 гю. быў асуджаны Ален Жупэ, былы прэм’ер і паплечнік Шарыка. Яму таксама забаранілі год займацца палітыкай.
Шырак адмаўляе сваю датычнасьць да парушэньня закону.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары