Zarpłatu nastaŭnikam buduć pavialičvać za košt aptymizacyi sietki ŭstanoŭ adukacyi.Pra heta paviedamiŭ siońnia žurnalistam ministr adukacyi Biełarusi Siarhiej Maskievič, kamientujučy zajavu kiraŭnika dziaržavy ab pavyšeńni zarpłaty nastaŭnikam, jakaja prahučała na pres-kanfierencyi dla biełaruskich i zamiežnych ŚMI.
«Pryniata rašeńnie vyznačyć aptymizacyju sietki ŭstanoŭ adukacyi. Srodki, jakija vyzvalacca ŭ jaje vyniku, buduć nakiravanyja tolki na zarpłatu nastaŭnikam », -- skazaŭ Siarhiej Maskievič.
Ministr adukacyi dadaŭ, što aptymizacyju treba pravieści na praciahu hoda.
U 2012 hodzie ŭ Biełarusi ŭžo skaraciłasia značnaja kolkaść małakamplektnych škoł, sioleta praces budzie praciahnuty. «Pryznajem niemetazhodnym zachoŭvać viačernija škoły, potym vučebna-vytvorčyja kambinaty», -- zajaviŭ ministr. Pavodle jaho słoŭ, nieabchodna taksama vyrašyć prablemu z napaŭnialnaściu kłasaŭ.
U Biełarusi na patreby sistemy adukacyi nakiroŭvajecca 6% vałavoha ŭnutranaha praduktu,prainfarmavaŭ Siarhiej Maskievič.
«Heta značnaja ličba, pavialičvać jaje nie ŭjaŭlajecca mahčymym. Tamu pytańnie pavieličeńnia zarpłaty piedahoham budzie vyrašacca paralelna z aptymizacyjaj vydatkaŭ biudžetu na adukacyju », --rastłumačyŭ ministr.
Kankretnyja ličby buduć ahučany ŭ lutym na kalehii Ministerstva adukacyi, skazaŭ Siarhiej Maskievič.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ26
Kamientary