Apieratyŭniki słužby pa baraćbie z ekanamičnymi złačynstvami MUS Biełarusi praviali maštabnuju apieracyju pa spynieńni niezakonnaj pastaŭki z Rasii padrobnaj kavy Nescafe i dalejšaj jaje realizacyi na terytoryi krainy. Apieracyja pravodziłasia pa ŭsioj krainie.
Jak paviedamiła staršy opierupaŭnavažany pa asabliva važnych spravach hałoŭnaha ŭpraŭleńnia pa baraćbie z ekanamičnymi złačynstvami MUS Vieranika Paśmiećjeva, bujnaja partyja rastvaralnaj kavy ź jaŭnymi prykmietami padrobki kanfiskavanaja na rynkach, u drobnaroźničnych abjektach Minska i abłasnych centraŭ. Uvohule znojdziena i kanfiskavana ź nielehalnaha abarotu amal 5 tysiač kantrafaktnych upakovak kavy Nescafe (pački pa 2, 75, 150, 320 i 750 hramaŭ) na ahulnuju sumu bolš čym 60 młn. rubloŭ.
Pavodle słoŭ Paśmiećjevaj, u 2012 hodzie byŭ praviedzieny analiz abjomaŭ realizacyi asobnych vidaŭ tavaraŭ na ŭnutranym rynku. Apieratyŭnikaŭ zacikaviła kava, abjomy impartu jakoj u Biełaruś źnizilisia praktyčna ŭ 2 razy, a abjomy vytvorčaści — u 5 razoŭ.U chodzie manitorynhu i
Pakolki košt kavy, jakaja nielehalna ŭvozicca z Rasii, byŭ značna nižejšy, čym u aficyjnaha pastaŭščyka, taksama abhruntavanaje sumnieńnie ŭźnikła ŭ tym, ci vyrablena jana sapraŭdy na pradpryjemstvie, čyj brend jość na ŭpakoŭcy.
Supracoŭniki HUBEZ MUS razam z aficyjnym pradstaŭnikoŭ kampanii «Nestle Rasija» ŭ Biełarusi praviali daśledavańnie ŭzoraŭ sumniŭnaha napoju.Ekśpiertyzaj ustanoŭlena, što ŭ padrobcy vyjaŭleny kavavy napoj z utrymańniem aleju ziernia jačmianiu i žyta (u sapraŭdnaj kavie pavinny ŭtrymlivacca vyklučna kavavaje ziernie).
Vyjava na ŭpakoŭcy nizkaj jakaści, jaje koler śviatlejšy, data vyrabu z terminam pryhodnaści vybityja nie zavodskim sposabam, a nadrukavanyja razam z vyjavaj i raźmieščanyja nie va ŭstanoŭlenym miescy.Adroźnivałasia padrobka ad aryhinalnaha tavaru i tym, što kantrolny identyfikacyjny znak na ŭpakoŭkach adsutničaŭ abo byŭ padrobnym.
Ciapier pravodzicca pravierka. Pa jaje vynikach pravaparušalnikam pahražaje administracyjnaje pakarańnie ŭ vyhladzie štrafu, kanfiskacyi i źniščeńnia pradukcyi.
Kamientary