«Mabiłahrafija» — novaja rubryka konkursu. Ciapier možna dasyłać adzinkavyja zdymki ci sieryi, zroblenyja na mabilnyja pryłady.
Da ŭdziełu zaprašajucca prafiesijnyja fotažurnalisty, a taksama fatohrafy, jakija ŭ svaich prajektach uzdymajuć sacyjalna značnyja temy.
Na konkurs mohuć padavacca fotazdymki apublikavanyja i nie apublikavanyja ŭ presie.
Pieramožcy buduć vyznačanyja ŭ naminacyjach «Naviny», «Štodzionnaje žyćcio», «Repartažny partret», «Pastanovačny partret», «Sport», «Mastactva i zabavy», «Pryroda», «Tradycyi» i «Mabiłahrafija».
«Mabiłahrafija» — novaja rubryka konkursu. Ciapier možna dasyłać adzinkavyja zdymki ci sieryi, zroblenyja na mabilnyja pryłady i apracavanyja pry dapamozie «Instagram», «Hipstamatic» dy inšych padobnych prahramaŭ, jakija ŭžyvajuć da fatahrafijaŭ raznastajnyja filtry, efiekty i ramki.
Konkurs «Pres-fota Biełarusi» pravodzicca ŭžo čaćviorty raz. U 2012 hodzie arhanizatary atrymali rekordnuju kolkaść zdymkaŭ: 2500 ad 90 aŭtaraŭ, fatohrafaŭ dziaržaŭnych i niedziaržaŭnych ŚMI.
Za čas isnavańnia konkursu zdymki pieramožcaŭ demanstravalisia ŭ Minsku, Hrodnie, Breście, na fiestyvalach u «Šablach», a taksama za miažoj – u Polščy, Ukrainie, Rasii, Hruzii, Litvie.
Pa vynikach konkursu vydajecca albom zdymkaŭ pieramožcaŭ «Pres-fota Biełarusi», jaki ŭžo druhi hod uvachodzić u dziesiatku najlepšych knih pavodle viersii kniharni «ŁohvinaŬ».
Konkursnyja zdymki prymajucca da 28 lutaha.
Bolš infarmacyi, a taksama ŭmovy ŭdziełu možna znajści na sajcie pressphoto.by.
Kantaktnaja asoba:
Vadzim Zamiroŭski, +37529/ 353 54 52
Kamientary