Dla vyvazu adkidaŭ u navahodnija śviaty ŭ Minsku zadziejničajuć bolš śmiećciavozaŭ
U doŭhija vychodnyja (z 1 pa 4 studzienia) praca pa vyvazie adkidaŭ z dvarovych terytoryj budzie arhanizavanaja ŭ zvyčajnym režymie, pry nieabchodnaści zadziejničać dadatkovuju techniku, paviedamili Minsk-navinam na pradpryjemstvie «Śpieckamunaŭtatrans».
1 i 2 studzienia rabota budzie arhanizavanaja pa hrafiku budniaha dnia, na liniju vyjduć 76 śmiećciavozaŭ pradpryjemstva. U nastupnyja subotu i niadzielu, 3 i 4 studzienia, — 50 i 30 aŭtamabilaŭ adpaviedna. Pry hetym u reziervie buduć znachodzicca try—čatyry adzinki techniki, hatovyja vyjechać dla vyvazu adchodaŭ pa-za hrafikam.
— My pracujem u ciesnym uzajemadziejańni z žyllovymi arhanizacyjami. U suviazi sa śviatočnymi dniami pa tych ci inšych adrasach mohuć utvaracca pavyšanyja abjomy adkidaŭ, u tym liku za košt upakovačnych materyjałaŭ. Kali rabotniki ŽEU, ŽKH rajona, jakija sočać za sanitarnym stanam dvarovych terytoryj, zaŭvažać, što kantejniery pierapoŭnienyja, jany padaduć zajaŭku na dadatkovy vyvaz śmiećcia. Akramia taho, našy śpiecyjalisty manitorać zvaroty, što pastupajuć na partał 115.bieł. Kali jany datyčacca zapoŭnienych kantejnieraŭ — apieratyŭna nakiroŭvajem pa ŭkazanym adrasie dziažurny śmiećciavoz, nie čakajučy zajaŭki ad žyllovaj arhanizacyi, — rastłumačyŭ ałharytm dziejańniaŭ dyrektar pradpryjemstva «Śpieckamunaŭtatrans» Andrej Chvin.
Jon źviarnuŭ uvahu: u adroźnieńnie ad vialikich śviat u ciopły čas hoda, kali mnohija minčuki vyjazdžajuć z horada, sustrakajuć Novy hod doma abo ŭ haściach. U vyniku kolkaść aŭtamabilaŭ, pryparkavanych u dvarach, pavialičvajecca, i niaredka jany pieraškadžajuć prajezdu śmiećciavozaŭ da kantejniernych placovak abo asobnych kantejnieraŭ, vystaŭlenych dla razhruzki kala tratuara.
— Spadziajomsia na śviadomaść aŭtaŭładalnikaŭ — ad ich taksama zaležyć padtrymańnie čyścini na dvarovych terytoryjach, — padsumavaŭ A. Chvin.
«Śpieckamunaŭtatrans» vyvozić adchody z Centralnaha, Partyzanskaha, Leninskaha, Savieckaha, Pieršamajskaha i Zavodskaha rajonaŭ. STAA «Remondys Minsk» — z Maskoŭskaha, Kastryčnickaha i Frunzienskaha rajonaŭ stalicy.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary