a karespandenta BiełaPAN źviarnulisia rabočyja AAT «Homielškło» sa skarhaj, što na pradpryjemstvie prajšoŭ ahulny schod, dzie kiraŭnictva daviało da ich viedama infarmacyju pra budučyja skaračeńni. Kiraŭnictva AAT «Homielškło» abviarhaje heta i havoryć pra «aptymizacyju ŭ suviazi z madernizacyjaj».
«Idzie aptymizacyja ŭ suviazi z madernizacyjaj, pierahladajecca struktura i funkcyjanalnyja abaviazki, nie bolš za toje, tamu što ŭ nas ciapier pačała pracavać madernizavanaja linija pa vytvorčaści paliravanaha škła, — zajaviła BiełaPAN namieśnik hienieralnaha dyrektara pa ideałahičnych i sacyjalnych pytańniach AAT „Homielškło“ Nadzieja Cialenčanka. — Tut prosta pieramiaščeńnie, racyjanalnaje vykarystańnie ludziej, nie bolš za toje.
Padčas aptymizacyi ludziam, jakija nie zadziejničany abo majuć tyja prafiesii, jakija na siońniašni dzień, skažam tak, nie patrebnyja, — prapanujecca inšaja praca».
«Homielškło» ŭviało ŭ stroj novuju niamieckuju liniju pa vytvorčaści vysakajakasnaha listavoha paliravanaha škła. Asvojena vytvorčaść i pačata realizacyja paliravanaha škła marki M1 taŭščynioj 3, 4, 5, 6, 8 i 10 mm. Škło adpaviadaje samym vysokim suśvietnym standartam, paviedamlaje sajt pradpryjemstva.
Vyrablajučy štohod bolš jak 18 młn. kvadratnych mietraŭ paliravanaha škła, pradpryjemstva zabiaśpiečvaje ŭsiu patrebnaść Biełarusi ŭ škle dla budaŭnictva i rekanstrukcyi, pastaŭlaje pradukcyju ŭ 23 krainy.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary