Amierykanski avijanosiec «Aŭraam Linkaln» prybyŭ na Blizki Uschod na fonie iranskaha kryzisu
Udarnaja hrupa vajenna-marskich sił ZŠA na čale z atamnym avijanoscam USS Abraham Lincoln uvajšła ŭ rehijon Blizkaha Uschodu. Centralnaje kamandavańnie ŭzbrojenych sił ZŠA aficyjna paćvierdziła razhortvańnie sił, patłumačyŭšy misiju nieabchodnaściu padtrymki rehijanalnaj biaśpieki.
Hety manieŭr adbyvajecca na fonie ŭnutranaha kryzisu ŭ Iranie, jaki, pavodle źviestak amierykanskaj raźviedki, staŭ samym maštabnym za apošnija paŭstahodździa.
«Avijanosnaja ŭdarnaja hrupa USS Abraham Lincoln ciapier razhornutaja na Blizkim Uschodzie dla sadziejničańnia rehijanalnaj biaśpieki i stabilnaści», — havorycca ŭ paviedamleńni kamandavańnia ZŠA.
Jak paviedamlaŭ New York Times sa spasyłkaj na spravazdačy śpiecsłužbaŭ, pradstaŭlenyja Donaldu Trampu, iranskija ŭłady ciapier znachodziacca ŭ samym słabym stanoviščy z časoŭ isłamskaj revalucyi 1979 hoda. Chvala pratestaŭ achapiła navat tyja pravincyi, što raniej ličylisia apłotam režymu Ajatołaŭ.
Prysutnaść avijanosnaj hrupy značna skaračaje čas reahavańnia Pientahona: u vypadku zahadu prezidenta ZŠA na padrychtoŭku pavietranych udaraŭ pa iranskaj terytoryi spatrebicca nie bolš za dva dni.
Paralelna z manieŭrami fłotu amierykanskaja avijacyja ŭ rehijonie adpracavała taktyku chutkaha razhortvańnia samalotaŭ, a vajskoŭcy ZŠA praviali nieaficyjnyja kansultacyi ź Izrailem.
Pavodle ekśpiertaŭ, naroščvańnie vajskovaj prysutnaści ZŠA, a taksama zapłanavanyja marskija vučeńni ŭ rehijonie pavialičvajuć cisk na Iran.
Korpus vartavych Isłamskaj revalucyi ŭ adkaz padvysiŭ uzrovień bajavoj hatoŭnaści i zaklikaŭ uzbrojenyja hrupoŭki, jakija padtrymlivajucca Iranam u Iraku, Livanie i Jemienie, padtrymać Tehieran.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj5
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary