Pamior Siarhiej Barysienka, stvaralnik lehiendarnaha videasałona ŭ Siańnie
Pajšoŭ z žyćcia samy apantany kinamiechanik Biełarusi, jaki z savieckich časoŭ adzin padtrymlivaŭ pracu aŭtentyčnaha videasałona ŭ nievialikim rajcentry. Siarhiej Barysienka da apošniaha maryŭ pra stvareńnie muzieja kino.
Vosieńniu minułaha hoda Onlíner raskazvaŭ pra ŭnikalny videasałon, jaki pracuje ŭ nievialikim horadzie Sianno jašče z savieckich časoŭ. Jaho svaimi rukami stvaryŭ i padtrymlivaŭ na praciahu 35 hadoŭ kinamiechanik Siarhiej Barysienka. 24 studzienia Siarhieja Andrejeviča nie stała, piša vydańnie.
Kali ŭ listapadzie jon prymaŭ žurnalistaŭ u haściach, to z entuzijazmam raskazvaŭ pra spravu svajho žyćcia, badziora dzialiŭsia płanami stvareńnia muzieja kino, razvažaŭ pra mahčymaść adkryć u videasałonie jašče adnu zału…
Śmierć Siarhieja Andrejeviča ad ciažkaj chvaroby paćvierdziŭ vydańniu jaho blizki siabar:
— Siarhieja nie stała 24 studzienia. Pra jaho chvarobu viedali tolki samyja blizkija. Vy kali da jaho pryjazdžali, to bačyli ŭžo mocna schudniełym, a jon ža zaŭsiody byŭ zdarovy dziaciuk, majstar na ŭsie ruki. U apošnija miesiacy jon užo rychtavaŭsia, razdavaŭ usim ukazańni, zaviaršaŭ spravy. Chacieŭ paśpieć dabudavać druhi dom, kab pakinuć jaho dačce, ale nie paśpieŭ…
Što budzie dalej ź lehiendarnym videasałonam, nieviadoma. Samarobnyja zały zaraz znachodziacca pad kiravańniem rajvykankama.
Paśla publikacyi intervju ź Siarhiejem Andrejevičam žurnalisty atrymali sotni ciopłych vodhukaŭ jak ad žycharoŭ Sianno, jakija viedali i lubili haradskoha «achoŭnika kino» ź dziacinstva, tak i ad inšych biełarusaŭ.
«Z savieckaha času ja chvareju na heta: heta historyja, heta ŭsio majo žyćcio. Ni razu nie było takoha, kab sieans u mianie «prapaŭ», kali ludzi čakajuć. Kino pavinna adbycca pry lubym nadvorji. A jak inakš?» — kazaŭ tady Siarhiej Barysienka.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary