Maskva zaciahvaje vydaču kredytu

Vizytu Sidorskaha ŭ Maskvu papiaredničała kampanija pa jahonaj dyskredytacyi. Šerah internet-resursaŭ sprabavaŭ stvaryć uražańnie, što Maskva ź Sidorskim razmaŭlać admaŭlajecca.

Premjer-ministar Biełarusi Siarhiej Sidorski 30 lipienia pabyvaŭ z pracoŭnym vizytam u Maskvu. Tam jon spatkaŭsia z staršyniom uradu Rasiei Michaiłom Fradkovym.

Hałoŭnaj temaj sustrečy stanuć detali atrymańnia Biełaruśsiu hihanckaha stabilizacyjnaha kredytu. Biełaruś zaprasiła 1,5 młrd dalaraŭ. Hetyja hrošy majuć kampensavać dadatkovyja vytraty biełaruskaj haspadarki ŭ suviazi z rostam cenaŭ naenerhanośbity.

Pryncypovaje rašeńnie ab kredycie Maskva pryniała. Zastajucca detali, — zajaviŭ vice-premjer rasiejskaha ŭradu Alaksiej Kudryn u piatnicu. Adnak u detalach, jak viadoma, chavajecca djabał.

Uzamien za kredyt Rasieja damahajecca pryvatyzacyi šerahu prybytkovych pradpryjemstvaŭ Biełarusi.

Jak vidno, baki da zhody ŭ hetym pytańni tak i nie dajšli. Krynica ŭ rasiejskim uradzie paviedamiła ahienctvu Prajm-TASS, što «ŭrady Rasiei i Biełarusi praciahnuć uzhadnieńnie umovaŭ vyłučeńnia Biełarusi kredytu». Krynica paćvierdziła, što pytańnie kredytu abmiarkoŭvałasia na sustrečy kiraŭnikoŭ uradaŭ, i jany vyrašyli praciahnuć pracu z hetym pytańniem i ŭzhadnieńnie pazycyj.

Premjer Rasiei Michaił Fradkoŭ paviedamiŭ, što na pieramovach «abmiarkoŭvalisia pytańni supracy ŭ naftahazavaj i finansavych sferach». «My damovilisia pradoŭžyć hetuju pracu. Pytańni składanyja i ŭ adnačaśsie nie vyrašajucca. My ŭziali na chatniuju pracu peŭnyja punkty mahčymych damoŭlenaściaŭ, daviali adzin da adnoha arhumenty bakoŭ», — cytuje Fradkova Prajm-TASS.

U ramkach pajezdki taksama adbudziecca sustreča S. Sidorskaha z hubernataram Maskoŭskaj vobłaści Barysom Hromavym.

Vizytu Sidorskaha papiaredničała kampanija pa jahonaj dyskredytacyi. Šerah biełaruskich internet-resursaŭ sprabavaŭ davieści, što Maskva ź Sidorskim razmaŭlać admaŭlajecca.

Pačałosia heta z artykułu ŭ maskoŭskim “Kommiersantie” ab niepaźbiežnaj adstaŭcy Sidorskaha i zamienie jaho na Navumava. Pavodle infarmacyi “NN”, za hetymi čutkami stajaŭ biełaruski biznesoviec S., jaki maje biznes u Rasiei.

Taksama i ŭ Biełarusi źjavilisia publikacyi ab mahčymaj adstaŭcy premjera.

Pieratvareńnie hałoŭnaha pieramoŭščyka ŭ “kulhavuju kačku” ŭskładniła b pieramoŭnyja pazycyi Biełarusi.

• 0
• 0
• 0
• 0
• 0
• 0
• 0
• 0