U Minsku aryštavany viadomy rasijski nieanacyst Maksim Marcinkievič (Ciasak)

Jak paviedamiła pradstaŭnica Śledčaha kamiteta Julija Hančarova, na rasijanina i dvuch biełarusaŭ sapraŭdy zaviedziena kryminalnaja sprava pa častcy 3 artykuła 339 KK — chulihanstva.

Pa słovach Hančarovaj, biełarusy padčas bojki byli na baku Marcinkieviča.

Jak stała viadoma paźniej, pierastrełka adbyłasia ranicaj u čaćvier 14 lutaha ŭ dvary minskaj kliniki «Novy zrok» na vulicy Kłumava, kudy Ciasak pryjazdžaŭ dla praviadzieńnia apieracyi pa karekcyi zroku.

Zdareńnie zafiksavali videkamiery ŭ dvary kliniki.

Mierkavana, u hetaj sutyčcy Ciesaku i jahonym spadarožnikam supraćstajali antyfašysty, fanaty «Partyzana».

Zdajecca, jany viedali, što Ciasak jedzie ŭ Minsk. Heta niaciažka: Ciasak žyŭ vielmi publična, kožny svoj krok ahučvaŭ u internecie.

Jak vynikaje ź videazapisu, u dvary kliniki pamiž biełarusami i Ciesakom i jahonaj kampanijaj zaviazałasia bojka. Biełarusy bilisia kułakami. Ciasak ža vychapiŭ traŭmatyčny pistalet i adkryŭ stralaninu. Ale, vidać, z pryčyny nizkavokaści jon spudłavaŭ i paraniŭ adnaho z tych, chto byŭ ź im.

Darečy, daktary tolki paśla infarmacyi ŭ ŚMI pra zatrymańnie Ciesaka zrazumieli, čamu hety niezvyčajny pacyjent uparta dabivaŭsia, kab jahonuju apieracyju siabry źniali na videa.

Paciarpieły — 1983 hoda naradžeńnia. Ci sapraŭdy była heta bojka z fanatami futbolnaha kłuba «Partyzan», Śledčy kamitet takoj infarmacyi nie maje.

Marcinkieviča dastavili ŭ Partyzanski RUUS stalicy.

Jak paviedamlajecca na staronkach Ciesaka ŭ sacyjalnych sietkach «Ukantakcie» i Tvitar, jon usio jašče znachodzicca pad vartaj.

Raniej Ciasak pryjazdžaŭ u Minsk, kab zdymać paziorskija roliki ab palavańni na piedafiłaŭ. Nieviadoma, ci mieŭ čarhovy pryjezd adnačasova i takuju metu.

Maksim Marcinkievič, były skinched, prasłaviŭsia svaimi rasisckimi vykazvańniami. Mianušku «Ciasak» atrymaŭ praź luboŭ da chałodnaj zbroi. Uvachodziŭ u Narodnuju nacyjanalnuju partyju. Paśla stvaryŭ svajo abjadnańnie skin-chedaŭ«Farmat-18». Była zabaronienaja jak ekstremisckaja.

Try z pałovaj hoda adbyŭ u turmie za «Raspalvańnie nianaviści pa nacyjanalnaj ci relihijnaj prykmiecie».

Zdymaŭ pastanovačnyja roliki, dzie viešaŭ i raźbiraŭ «tadžyka», ale akazałasia, što heta była prosta jałavičyna.

Z armii Ciesaka kamisavali, bo jon u pieršyja ž dni žorstka źbiŭ sasłužyŭca-azierbajdžanca.

Ciasak maje biełaruskija karani, tamu niaredka naviedvaje Minsk. Zachaplajecca čyścinioj biełaruskaj stalicy i mudrym kiraŭnictvam. U minułym jon taksama šukaŭ i zdymaŭ na videa ludziej, što nosiać na vopratcy Pahoniu ci bieł-čyrvona-bieły ściah.

Artykuł, pa jakim zaviedziena kryminalnaja sprava, praduhledžvaje pakarańnie ŭ vyhladzie abmiežavańnia svabody ad 2 da 5 hadoŭ albo pazbaŭleńnie svabody ad 3 da 10 hadoŭ.

Apytanka

• 0
• 0
• 0
• 0
• 0
• 0
• 0
• 0