Padzieju zarehistravali videakamiery ŭ dvary minskaj kliniki «Novy zrok», kudy Maksim Marcinkievič (Ciasak), pryjechaŭ na apieracyju.
Jak paviedamiła pradstaŭnica Śledčaha kamiteta Julija Hančarova, na rasijanina i dvuch biełarusaŭ sapraŭdy zaviedziena kryminalnaja sprava pa častcy 3 artykuła 339 KK — chulihanstva.Pakul usie jany znachodziacca ŭ izalatary. Dalejšaja miera strymańnia dla ich budzie razhladacca.
Pa słovach Hančarovaj, biełarusy padčas bojki byli na baku Marcinkieviča.
Jak stała viadoma paźniej, pierastrełka adbyłasia ranicaj u čaćvier 14 lutaha ŭ dvary minskaj kliniki «Novy zrok» na vulicy Kłumava, kudy Ciasak pryjazdžaŭ dla praviadzieńnia apieracyi pa karekcyi zroku.
Zdareńnie zafiksavali videakamiery ŭ dvary kliniki.
Mierkavana, u hetaj sutyčcy Ciesaku i jahonym spadarožnikam supraćstajali antyfašysty, fanaty «Partyzana».
Zdajecca, jany viedali, što Ciasak jedzie ŭ Minsk. Heta niaciažka: Ciasak žyŭ vielmi publična, kožny svoj krok ahučvaŭ u internecie.
Jak vynikaje ź videazapisu, u dvary kliniki pamiž biełarusami i Ciesakom i jahonaj kampanijaj zaviazałasia bojka. Biełarusy bilisia kułakami. Ciasak ža vychapiŭ traŭmatyčny pistalet i adkryŭ stralaninu. Ale, vidać, z pryčyny nizkavokaści jon spudłavaŭ i paraniŭ adnaho z tych, chto byŭ ź im.Achova kliniki vyklikała milicyju. Hrupa pryjechała vielmi apieratyŭna, za niekalki chvilin. Ciesaka zatrymali, choć jon vykinuŭ pistalet i sprabavaŭ zrabić vyhlad, što ničoha nie razumieje.
Darečy, daktary tolki paśla infarmacyi ŭ ŚMI pra zatrymańnie Ciesaka zrazumieli, čamu hety niezvyčajny pacyjent uparta dabivaŭsia, kab jahonuju apieracyju siabry źniali na videa.
Paciarpieły — 1983 hoda naradžeńnia. Ci sapraŭdy była heta bojka z fanatami futbolnaha kłuba «Partyzan», Śledčy kamitet takoj infarmacyi nie maje.
Marcinkieviča dastavili ŭ Partyzanski RUUS stalicy.
Apytanka
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała17
Kamientary