Łukašenka — da staršyni KDB: Jakija tendencyi ŭ nas u adnosinach ź ES i ZŠA?
Alaksandr Łukašenka, prymajučy 21 lutaha z dakładam staršyniu Kamiteta dziaržaŭnaj biaśpieki Valeryja Vakulčyka, pacikaviŭsia tendencyjami na Zachadzie pa naładžvańni ź Biełaruśsiu kanstruktyŭnych adnosinaŭ.
Alaksandr Łukašenka adznačyŭ, što maje namier abmierkavać situacyju, jakaja składvajecca jak unutry krainy, tak i za jaje miežami na pačatku hetaha hoda.
«Ja nie budu chavać, naturalna, my adsočvajem situacyju pa asnoŭnych napramkach našaj źniešniepalityčnaj dziejnaści. Jakija tendencyi ŭ adnosinach z zachodnimi dziaržavami, pierš za ŭsio Jeŭrapiejskim sajuzam i Złučanymi Štatami Amieryki?U apošni čas ja nie tolki z unutranych krynic, ale i srodkaŭ masavaj infarmacyi baču zacikaŭlenaść krain Zachadu ŭ naładžvańni z nami kanstruktyŭnych adnosin. Ci jość tut kankretnyja zruchi, z vašaha punktu hledžańnia, što adbyvajecca?» — skazaŭ Łukašenka.
Łukašenka padkreśliŭ, što isnuje ceły kompleks pytańniaŭ źniešniaj palityki, na jakija varta źviarnuć uvahu ŭ hetym hodzie. «Pačatak novaha hoda, pačatak novych zadum i tendencyj vakoł našaj krainy, i ja chacieŭ by pačuć z vašych vusnaŭ, što z hetaha vynikaje paśla taho, jak my praanalizavali i acanili situacyju vakoł Biełarusi», — adznačyŭ jon.
Pry hetym Alaksandr Łukašenka źviarnuŭ uvahu na toje, što heta štohadovy płanavy dakład staršyni KDB.
«Ja adrazu chaču skazać, siońnia mianie pačujuć ludzi i padumajuć, što ŭ nas niešta nie tak u krainie.Nie, heta naturalna, kožny hod staršynia Kamiteta dziaržbiaśpieki, dziaržsakratar mnie dakładvajuć ab situacyi i pra toje, na što, ź ich punktu hledžańnia, my pavinny źviarnuć uvahu ŭ hetym hodzie, vybudoŭvajučy našu zamiežnapalityčnuju liniju i ŭnutranuju palityku. Čym zakłapočanaje nasielnictva, jakija mahčymyja pahrozy, choć, ahułam bieručy, unutry Biełarusi nie baču takich tendencyj», — skazaŭ jon.
«Dramatyzavać situacyju my, viadoma, nie majuć namieru, ale, jak ja vajskoŭcam skazaŭ, porach treba trymać suchimi vucha treba trymać vostra dla taho, kab supraćstajać tym ci inšym tendencyjam, što niehatyŭna składvajucca jak unutry, tak i za miežami našaj dziaržavy», — dadaŭ Alaksandr Łukašenka.
Kamientary