U siecivie źjaviŭsia repartaž telebačańnia KNDR pra žachlivyja realii žyćcia ŭ ZŠA. «Amieryka siońnia – heta biadota, choład i homasieksualizm», – raspaviadaje dyktarka, ledźvie strymlivajučy emocyi.
Pavodle aŭtaraŭ repartažu, spravy ŭ ideałahičnaha praciŭnika nastolki drennyja, što ludzi zabivajuć adno adnaho, kab prakarmicca… «asabliva dziaciej», dadaje dyktarka. Tolki humanitarnaja dapamoha z Paŭnočnaj Karei dazvalaje biednym amierykancam choć niejak pratrymacca. Pchieńjan navat vysyłaje paŭnočnakarejskuju kavu, kažuć aŭtary repartažu.
Bolšaja častka videašerahu pakazvaje biazdomnikaŭ, adnaho ź jakich nazyvajuć byłym respublikanskim kandydatam ad štatu Arehon. Taksama bačnyja kadry ź niejkaha łahieru biežancaŭ, adnak praź nizkuju jakaści videa nielha skazać, dzie jaho źniali.
Nahadajem, što na minułym tydni ŭłady KNDR zajavili pra vychad z damovy ab nienapadzie z Paŭdniovaj Karejaj i pahražajuć jadravym udaram pa paŭdniovaj susiedcy.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary