Na Hrodzienščynie šeść cerkvaŭ i adzin kaścioł stanuć pomnikami — fota
Ministerstva kultury ŭchvaliła čarhovuju prapanovu Tavarystva achovy pomnikaŭ.
Dziaržaŭny śpis historyka-kulturnaj spadčyny nieŭzabavie papoŭnicca novymi architekturnymi abjektami, paviedamlaje sajt Tavarystva achovy pomnikaŭ.
Navukova-mietadyčnaja rada ŭchvaliła prapanovy Tavarystva pa ŭklučeńni ŭ śpis šaści cerkvaŭ, raźmieščanych u Słonimskim rajonie i adnaho kaścioła ŭ Lidskim rajonie na Hrodzienščynie.
Heta carkva Kryžaŭzdvižanskaja (I pał. XIX st.) u v. Zbočna, carkva Sv. Illi (I pał. XIX st.) u v. Klepačy, carkva Rastva Baharodzicy (I pał. XIX st.) u v. Miževičy, carkva Sv. Hieorhija (siaredzina XIX st.) u v. Pasiničy, carkva Sv. Paraskievy Piatnicy (pačatak XIX st.) u v. Staradzieviatkavičy, carkva Sv. Illi (I pał. XIX st.) u v. Surynka i kaścioł Pieramianieńnia Panskaha (1932 h.) u v. Vavierka.
Hetyja cerkvy raźmieščany u paŭdniova-ŭschodniaj častcy Słonimskaha rajona. Uźviedzieny praktyčna ŭ adzin chranałahičny pieryjad, z pačatku da siaredziny XIX st., zbudavanyja z dreva. Ujaŭlajuć saboj chramy bazilikalnaha typu, adnaniefavyja, padoŭžana-vosievaj kampazicyi, adnaapsidnyja. U architekturnym vobliku cerkvaŭ spałučajecca narodnaja tradycyja i rysy prafiesijnych architekturnych stylaŭ — baroka i kłasicyzmu. Unikalnaja architektura vyšejpieraličanych cerkvaŭ, znachodžańnie ich praktyčna ŭ adnoj častcy Słonimskaha rajona, udałaja pryviazka abjektaŭ da navakolnych pabudoŭ i akalajučaha łanšaftu robić ich architekturnymi daminantami histaryčnych častak viaskovych pasieliščaŭ, u jakich jany pabudavany
Kaścioł u v. Vavierka — prykład mižvajennaj architektury na ziemlach Zachodniaj Biełarusi, u jakoj spałučalisia rysy šmatlikich histaryčnych architekturnych stylaŭ, što pryviało da farmiravańnia svojeasablivaha, charakternaha dla hetaha rehijonu i pieryjadu architekturnaha ramantyzmu, jak u draŭlanym, tak i ŭ muravanym dojlidstvie.
Nahadajem, što ŭ lutym 2013 hoda Minkultury padtrymała prapanovy Tavarystva achovy pomnikaŭ pa ŭklučeńni ŭ śpis pomnikaŭ troch draŭlanych cerkvaŭ na Hrodzienščynie.
Raspracoŭkaj prapanoŭ pa nadańniu materyjalnym abjektam statusa historyka-kulturnaj kaštoŭnaści zajmajecca Tavarystva achovy pomnikaŭ. Ekśpiedycyi pa vyjaŭleńniu i fiksacyi abjektaŭ, prapanovy pa nadańniu statusa my robim u miežach ahulnanacyjanalnaj kampanii «Budźma biełarusami».
-
Biełarus zrabiŭ vintažny ramont u 178‑hadovaj kvatery ŭ styli «babušatnik» i robić na joj biznes. Pahladzicie, jak vyjšła
-
«Žorstki łoft». U «Minsk-Śviet» zdajuć studyju z hołymi ścienami — ludzi šakavany canoj
-
U Hrodnie pradajuć kvateru z krutym vidam na Farny kaścioł i Savieckuju płošču. Cana taksama ŭražvaje
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy7
Kamientary