Hukańnie viasny ŭ Viazyncy — subota, 23 sakavika
Studenckaje etnahrafičnaje tavarystva razam ź Dziaržaŭnym litaraturnym muziejem Ja. Kupały znoŭ zaprašajuć na Hukańnie viasny ŭ Viazynku (Maładziečanski rajon).
U prahramie: tradycyjnyja śpievy, viesnavyja karahody, hulni i tancy + nievialiki kirmašyk ramiestvaŭ. U śviacie biaruć udzieł hurty Paŭnočnaja Suchadroŭka, Kniažyč, Varhan, Horyń, Guda, Kudmień, Dainava, kłub tradycyjnaha tanca Sita, muzyki Dzianis Suchi, Staś Čavus, Raman Jaraš, Jaŭhien Baryšnikaŭ.
Jak zaŭsiody, biarycie stužki na drevy, ptušak ź ciesta, bliny i harbatku ŭ termasie, ciopła apranajciesia.
Dla majstroŭ: u hetym hodzie vam nieabchodna budzie papiarednie zarehistravacca, dasłaŭšy http://vk.com/alaiza_annika fotazdymki svaich rečaŭ. Tema kirmaša - tradycyjnyja ramiostvy, ptuški, kvietki. U muzieja jość niekalki stałoŭ - jany buduć dla siabroŭ tavarystva, dla ŭsich astatnich - łavački, jak ŭ minułym hodzie.
Dla fatohrafaŭ: fatahrafavać u nas možna, ale nie ŭ centry karahoda, kali łaska, a zvonku. I nie ŭsie z našych siabroŭ chočuć paziravać, tamu kali łaska, nie nastojvajcie. U tvar z abjektyvam taksama lepiej nie leźci. Dziakuj.
Jak dabracca? Elektryčka ź Miensku jedzie ŭ 11:34, prybyvaje ŭ Viazynku ŭ 12:25. Nazad ź Viazynki možna źjechać u 16:44, 17:43.
Udzieł u śviacie volny, ale dla ŭvachodu na terytoryju muzieja treba budzie kupić kvitok:
darosłyja - 6000 rub,
dzieci - 3500 rub,
studenty - 4000 rub
Daviedki pa telefonach:
+375 29 2752771
+375 29 7780100
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary