Pra spynieńnie kryminalnaj spravy suprać žurnalista Andreja Pačobuta pieršym paviedamiła viečaram 15 sakavika ahienctva «Interfaks-Zachad». Ahienctva spasłałasia na USK pa Hrodzienskaj vobłaści, a pryčynu patłumačyła «ŭ suviazi ź niedakazanaściu ŭdziełu abvinavačanaha ŭ ździajśnieńni złačynstva».
Ale na ruki žurnalist atrymaŭ dakumient sa Śledčaha kamiteta z zusim inšaj farmuloŭkaj: «Za adsutnaściu ŭ dziejańniach składu złačynstva».
Publikacyja na «Interfaksie» — pamyłka albo sihnał Pačobutu?
«Pa-pieršaje, nievypadkova, što infarmacyja źjaviłasia ŭ piatnicu, kali pracoŭny dzień skončany. Jość takaja tradacyja ŭ biełaruskich uładaŭ, što jany małapryjemnyja dla siabie rašeńni ahučvajuć u piatnicu, — prakamientavaŭ Andrej Pačobut. — Pa-druhoje, ja nie viedaju, chto pamyliŭsia ci śviadoma dezynfarmavała «Interfaks» pres-słužba Śledčaha kamiteta. Ale fakt zastajecca faktam.
Tłumačeńnie na «Interfaksie» — biazhłuzdaje z punktu hledžańnia jurydčanaha: ciapier niama takoj padstavy u Pracesualna-kryminalnym kodeksie dla spynieńnia spravy. Vidavočnaja pamyłka. Dumaju, ahienctva apublikavała tuju infarmacyju, jakuju atrymała».
Byłoha palitviaźnia Andreja Pačobuta aryštavali ŭ červieni 2012 i abvinavacili ŭ paklopie na Łukašenku. Padstavami stali jahonyja artykuły na sajtach charter97.org i «Biełaruski partyzan».
Paśla spynieńnia kryminalnaj spravy z Andreja Pačobuta źniali padpisku ab niavyjeździe.
«I ja ciapier svabodny čałaviek u tym sensie, što ŭnutry krainy mahu svabodna pierasoŭvacca».
Ale pa-raniejšamu jon nie moža vyjechać za miažu — u 2011 Andreja asudzili na try hady hady z adterminoŭkaj taksama za paklop na Łukašenku.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary