Akcyja BCHD «Chvala salidarnaści» prajšła ŭ 33 haradach
Akcyja arhkamiteta pa stvareńni partyi «Biełaruskaja chryścijanskaja demakratyja» «Chvala salidarnaści» ŭ padtrymku palitviaźniaŭ prajšła ŭ 33 haradach Biełarusi.
Ab hetym paviedamiŭ adkazny sakratar arhanizacyi Dzianis Sadoŭski 29 sakavika na
Akcyja pačałasia 13 lutaha i prachodziła ŭ farmacie štodzionhaha marafona ŭ roznych haradach Biełarusi.Aktyvisty raspaŭsiudžvali ŭlotki i płakaty ź infarmacyjaj ab palitźniavolenych pa paštovych skryniach i rasklejvali na stendach damoŭ, razdavali paštoŭki z zaklikam padpisać ich i pierasłać palitźniavolenym. Jany taksama vyviešvali raściažki z zaklikami da vyzvaleńnia palitźniavolenych.
Sadoŭski adznačyŭ, što padčas akcyi «ludzi achvotna išli na kantakt, adnak mnohija, asabliva heta tyčycca rehijonaŭ, nie viedali ab situacyi z palitźniavolenymi». «Tamu było vielmi važna danieści da ich praŭdzivuju infarmacyi», — padkreśliŭ jon.
Pavodle słoŭ Sadoŭskaha, da «Chvali salidarnaści» dałučalisia aktyvisty Abjadnanaj hramadzianskaj partyi, Partyi BNF, inšych demakratyčnych partyj i arhanizacyj.«My ŭpeŭnieny, što akcyja salidarnaści z palitźniavolenymi budzie praciahvacca jak z udziełam aktyvistaŭ demakratyčnych partyj i arhanizacyj, tak i prostych hramadzian», — skazaŭ jon.
-
Pad Hrodnam adnaŭlajuć tury dryzinaj pa vuzkakalejcy
-
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty
-
«Tania mužna pieraadoleła ŭsio i z usim spraviłasia». Dyrektar EPAM padziakavaŭ usim, chto dapamoh hrašyma dla zmahańnia žonki z rakam
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty15
Kamientary