«U ramkach realizacyi mierapryjemstvaŭ pa supraćdziejańni karupcyi i abaronie ekanamičnych intaresaŭ dziaržavy Kamitetam dziaržaŭnaj biaśpieki zatrymany namieśnik Ministra sportu i turyzmu Respubliki Biełaruś Nierad S.M.», paviedamlajecca na sajcie KDB.
Na zatrymanaha zaviali kryminalnuju spravu pa č.3, art.430 KK RB (atrymańnie chabaru słužbovaj asobaj, jakaja zajmaje adkaznuju pasadu), pravodziacca śledčyja dziejańni.
***
Siarhiej Nierad naradziŭsia 16 červienia 1968 h. u pas. Kałodziščy Minskaha rajona. U 1991 hodzie skončyŭ Biełaruski dziaržaŭny instytut fizičnaj kultury pa śpiecyjalnaści «Fizičnaja kultura i sport». Pracoŭnuju dziejnaść pačaŭ u 1991 z pasady treniera-vykładčyka śpiecyjalizavanaj dziciača-junackaj škoły alimpijskaha reziervu pa fiechtavańni Spartyŭnaha kamiteta Uzbrojenych Sił Respubliki Biełaruś.
Pracavaŭ starejšym instruktaram-mietadystam Minskaha vučylišča alimpijskaha reziervu № 2, namieśnikam dyrektara, dyrektaram Minskaha abłasnoha vučylišča alimpijskaha reziervu.
Z 2003 pa 2010 — namieśnik, pieršy namieśnik, načalnik upraŭleńnia fizičnaj kultury, sportu i turyzmu Minskaha abłvykankama.
Cfiera dziejnaści namieśnika ministra:
praviadzieńnie analizu, padrychtoŭka prapanoŭ i realizacyja praktyčnych mierapryjemstvaŭ pa farmiravańni i praviadzieńni adzinaj dziaržaŭnaj palityki ŭ halinie sportu; raspracoŭka kancepcyj raźvićcia sportu ŭ krainie i mietadaŭ ich realizacyi, dziaržaŭnych prahram raźvićcia sportu, mižhalinovaja kaardynacyja ich vykanańnia;
stvareńnie navukova abhruntavanaj sistemy raźvićcia dziciačaha i junackaha sportu, sportu vyšejšych dasiahnieńniaŭ, fizičnaha vychavańnia i azdaraŭleńnia nasielnictva, kaardynacyja fizkulturna-spartyŭnaj pracy siarod invalidaŭ;
udaskanaleńnie sistemy śpiecyjalizavanych vučebna-spartyŭnych ustanoŭ dy inš.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary