Paźniak nazvaŭ Mašerava najbolšym złom u historyi Biełarusi, kali nie ličyć Łukašenku
Pra heta havorycca ŭ knizie pra vieterana biełaruskaha nacyjanalnaha ruchu «Stać u prałomie mura», napisanaj Źmitrom Hurnievičam i Paŭłam Mažejkam, piša «Biełsat».
Dla Zianona Paźniaka Mašeraŭ, jaki kiravaŭ BSSR z 1965 pa 1980 hady, — heta «ci nie najbolšy paśla Łukašenki złačynca pierad biełaruskaj nacyjaj». Siońnia vybudoŭvajecca jaho mif jak palityka, jaki vielmi šmat damohsia dla BSSR, ale ŭsie jaho dasiahnieńni — vynik ruplivaj dziejnaści jaho papiarednika Kiryła Mazurava.
«Piatro Mašeraŭ dla mianie i našaha biełaruskaha asiarodździa — heta čałaviek, jaki zrabiŭ šmat zła ŭ biełaruskaj historyi: źniščyŭ biełaruskuju škołu, viosku, Paleśsie, rastaptaŭ kulturu, razburyŭ mielijaracyjaj vodnuju pryrodu», — kaža jon.
A voś adna z najbolš vybitnych postaciaŭ — Kastuś Kalinoŭski.
«Ludzi achviarnyja zrabili šmat dla budučyni Biełarusi. Takim byŭ Kalinoŭski i kalinoŭcy. I voś źjaŭlajucca ludzi, razumnyja, historyki, navukoŭcy, ale ŭ ich dumańnie pabudavana na racyjanalnych, prahmatyčnych paniaćciach. Jany niby znachodziacca ŭ haryzantalnaj płoskaści. U toj čas, kali varta ŭźniacca na nieba i z vyšyni niabios pahladzieć, što adbyvałasia, jaki byŭ duch u ludziej, čamu jany achviaravalisia, čamu išli na śmierć. Tut ža nie tolki statystyka. Tak i z Kalinoŭskim», — kaža Zianon Paźniak.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary
Mienavita tady ŭbivałasia ŭstanoŭka "biełaruskaja mova - kałhaśnik", jazyk - adukavany
Jon kiravaŭ BSSR jak elemientam SSSR, a nie samastojnaj krainaj. Tak, raźvivałasia pramysłovaść, ale ŭsie hetyja pradpryjemstvy apynulisia niežyćciazdolnymi biez savieckaj ekanomiki.
Dla paraŭnańnia ŭ palakaŭ 80yja heta zastoju i stahnacyi, tamu ŭ 90ch jany byli hatovy da ryzykoŭnych reform i desavietyzacyi. U nas naadvarot dla mnohich 80ch asacyjavalisia z rozkvitam i pierśpiektyvaj
Heta syhrała drennuju rolu ŭ doŭhaterminovaj pierśpiektyvie paśla razvału SSSR, u ludziej było adčuvańnie, što suvierynitet heta ciažka, voś być rehijonam SSSR/RF - vyhadna. I hetyja nastroi va mnoham i pryviazi da katastrofy 1994 hodu.
PS: Darečy, Babyryka va mnoham takža na Biełaruś hladzić - hatoŭnaść admovicca ad movy, historyi, suvierynitetu, kali heta budzie vyhadna, nie dumajučy pra doŭhaterminovyja nastupstvy