U 1993—1994 hadach biełaruskaj movie navučalisia 76% pieršakłaśnikaŭ.
Pavodle jaho słoŭ, kolkaść biełaruskamoŭnych škoł i kłasaŭ źmianšajecca. Naprykład, kali u 1993/1994 navučalnym hodzie na biełaruskaj movie navučalisia 76% pieršakłaśnikaŭ, to u minułym — tolki 18,6%. Adpaviednyja pakazčyki pa Minskaj vobłaści — 92,6% i 31,9%, pa Minsku — 58,6% i 2,2%. «Štohod my hublajem bolš za 100 biełaruskamoŭnych škoł pa ŭsioj respublicy, asabliva padaje ich kolkaść u vioscy», — zaznačyŭ A.Łozka. Vioska, pavodle jaho słoŭ, pačynaje rusifikavacca, bo zakryvajucca małakamplektnyja biełaruskamoŭnyja škoły i dziaciej pieravodziać ŭ bolš bujnyja, navučańnie ŭ jakich viadziecca na ruskaj movie.
Na siahodniašni momant najhoršaja situacyja ź biełaruskamoŭnymi škołami i kłasami — va ŭschodnich Mahileŭskaj i Homielskaj abłaściach, najlepšaja — u Minskaj vobłaści, paviedamiŭ A.Łozka. Pry hetym u samim Minsku pracuje tolki čatyry biełaruskamoŭnyja škoły, kolkaść biełaruskamoŭnych kłasaŭ źmianšajecca. Pa słovach staršyni TBŠ, kankretnyja ličby na nastupny navučalny hod nazvać pakul niemahčyma, jany buduć viadomyja paźniej, ale A.Łozka ličyć, u Minsku takich kłasaŭ budzie jašče mienš, čym ŭ minułym hodzie.
Staršynia TBŠ nazvaŭ i aptymistyčnyja pakazčyki. Tak, zaznačyŭ jon, u apošnija hady adbyvajecca tak zvany «nieaficyjny refierendum»: usio bolšaja kolkaść abituryjentaŭ žadaje zdavać testy pa biełaruskaj movie. U hetym hodzie ich było 87 tys., pry tym, što tolki 20 tys. zakančvali škoły ź biełaruskaj movaj navučańnia. U 2006 hodzie testy pa biełaruskaj movie abrali 75 tys. abituryjentaŭ VNU, a škoły ź biełaruskaj movaj navučańnia zakončyli bolš za 20 tys. čałaviek.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary