Hrupa čačencaŭ pierabłytała Biełaruś ź Litvoj i prasiła tut prytułku
Čarhovaja niaŭdałaja sproba žycharoŭ Čačni lehalna patrapić u Jeŭrasajuz zafiksavana ŭ minułyja vychodnyja na biełaruska-litoŭskaj miažy.
Jak paviedamili ŭ pres-centry Dziaržaŭnaha pahraničnaha kamiteta Biełarusi, ranicaj 4 maja ŭ punkcie propusku «Hudahaj-1» pry afarmleńni na vyjezd ciahnika maršrutam Maskva — Vilnius na pieron z sastavu vyjšli 22 hramadzianiny Rasii — siamiora darosłych i 15 dziaciej (adno hrudnoje), usie — žychary Čačni. Pryniaŭšy biełaruskaha pamiežnika za litoŭskaha, jany stali prasić prystanišča ŭ Litvie. Adnak razabraŭšysia, što jašče nie pierajechali miažu ŭ ES, vykazali namier pradoŭžyć šlach u litoŭskim napramku.
Viečaram piać siemjaŭ sieli na ciahnik da Vilniusa. Praź niekalki hadzin z 22 čałaviek 16 byli viernutyja litoŭskim bokam nazad. Ciapier tyja, kamu «nie pašancavała» ŭ Litvie, płanujuć praz Brest trapić u ES, kab prasić status biežanca.
Jak adznačyli ŭ Dziaržpahrankamitecie, hetaja situacyja stała ŭžo standartnaj. Štohod kala 30 tysiač vychadcaŭ z Kaŭkaza prybyvajuć u Biełaruś, kab pierabracca ŭ Litvu, Łatviju abo Polšču dla atrymańnia statusu biežanca. Časam cełymi siemjami jany šmatrazova sprabujuć aficyjna ŭjechać u ES. Adnak kryteryjam, što pradjaŭlajucca Jeŭropaj da statusu biežanca, adpaviadajuć daloka nie ŭsie. Kali zakančvajucca srodki paśla sieryi niaŭdałych sprob, prykładna kožny dziasiaty čačeniec pačynaje šukać mahčymaść niezakonnaha pierasiačeńnia miažy.
-
Pad Hrodnam adnaŭlajuć tury dryzinaj pa vuzkakalejcy
-
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty
-
«Tania mužna pieraadoleła ŭsio i z usim spraviłasia». Dyrektar EPAM padziakavaŭ usim, chto dapamoh hrašyma dla zmahańnia žonki z rakam
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty8
Kamientary