U Brazilii dziaŭčyna vyžyła, paśla taho jak harpun prabiŭ joj horła - fota
Niejrachirurh Ałan da Kosta, jaki rabiŭ apieracyju, zajaviŭ, što harpun prajšoŭ na adlehłaści 1 sm ad žyćciova važnych centraŭ mozhu 28-hadovaj Elizanhieły Barbaremy Rozy, paviedamlaje Bi-Bi-Si.
Pavodle jaho słoŭ, apieracyja prajšła paśpiachova i žančyna pavinna całkam adnavić zdaroŭje.
Pa dadzienych palicyi, muž paciarpiełaj čyściŭ harpun, vypadkova pryvioŭ jaho ŭ dziejańnie. Stalovy harpun trapiŭ u rot jaho žonki i zatrymaŭsia ŭ chrybietnym słupie.
Heta zdaryłasia ŭ paniadziełak u prybiarežnym horadzie Arajiał-da-Kaba ŭ 150 km ad Rya-de-Žaniejra.
Žančynu spačatku dastavili ŭ miascovuju balnicu, ale zatym chutka pieravieźli ŭ abłasnuju kliniku ŭ susiednim horadzie Araurama, dzie joj zaniałasia hrupa niejrachirurhaŭ.
«Ja nikoli nie bačyŭ raniej padobnych vypadkaŭ, — zajaviŭ doktar da Kosta. — Jašče santymietr, i jana b zastałasia paralizavanaj; jašče trochi — i harpun prabiŭ by arteryju, jakaja zabiaśpiečvaje mozh kryvioj, i jana b pamierła».
Palicyja ličyć zdareńnie niaščasnym vypadkam, ale zajaviła, što dapytaje žančynu paśla jaje vyzdaraŭleńnia dla vyśviatleńnia ŭsich padrabiaznaściaŭ.
Kamientary