U samoj kampanii ŭchilajucca ad kamentaroŭ. U dziaržstrukturach, što majuć svaju dolu ŭ statutnym fondzie «MŁS», adsyłajuć pa kamentary da samoj kampanii.
Paćvierdzić infarmacyju pra prodaž dziarždoli akcyjaŭ u SP AAT «MŁS» akazałasia niaprosta. Pa numary telefonu, paznačanym na sajcie Ministerstva suviazi i infarmatyzacyi ŭ jakaści pryjomnaj kampanii VELCOM, słuchaŭku źniaŭ strohi mužčyna: «Post numar adzin, słuchaju vas!». Pa atrymanym praz daviedku telefonie dziažurnaja aperatarka kampanii spačatku prapanavała numar telefonu hiendyrektara, ale pierapytaŭšy pra nahodu dla zvarotu da načalstva, nazvała elektronny adras dla kantaktaŭ z presaj. «Takija pytańni kamentujucca tolki praz elektronnuju poštu» — kateharyčna admoviłasia davać numar telefonu supracoŭnica. Čakajem adkazu dahetul. Na sajcie kampanii, jaki z ranicy nie hruziŭsia, apošniaja navina datavanaja 20 žniŭnia i pryśviečanaja piatym uhodkam dziejnaści VELCOM u Viciebsku.
U Ministestrie suviazi, spasłaŭšysia na toje, što adkazny za kantakty z presaj čynoŭnik u adpačynku, padzieju prakamentavać admovilisia, dy paraili źviarnucca naŭprost u VELCOM.
U adździele kantaktaŭ sa ŚMI RUP «Biełtelekam» taksama pakul nie vałodajuć aficyjnaj infarmacyjaj nakont prodažu dziaržaŭnaj častki akcyjaŭ. Adnak tam paviedamili, što ciapier rychtujecca adpaviednaje rašeńnie i ŭ chutkim časie pavinien źjavicca pres‑reliz.
Ekspert časopisu «Mobilnaja śviaź» paraiŭ pačakać z kamentarami. «Vy ž razumiejecie, što lubaja ŭhoda takoha maštabu u nas trymajecca ŭ sakrecie da momantu aficyjnaha padpisańnia».
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary