Mužčyna sam viarnuŭ u bank na Ždanovičach «lišnija» 20 tysiač dalaraŭ
Pra heta raspavioŭ pres-sakratar minskaj haradskoj milicyi Alaksandr Łastoŭski.
Alaksandr Łastoŭski: «Mužčyna sam źviarnuŭsia ŭ bank. U hetym dapamahła publikacyja videa ŭ internecie i na telebačańni. Jon viarnuŭ usie hrošy».
U milicyi kažuć, što im, a taksama ŭ bank było šmat telefanavańniaŭ ad tych, chto paznaŭ na videa minčuka, jakomu dastalisia lišnija hrošy.
Nahadajem, što zdareńnie adbyłosia na dniach u adnym z abmieńnikaŭ «Jeŭrabanka» ŭ Minsku. Klijent pryjšoŭ u abmieńnik, kab abmianiać 2300 dołaraŭ na biełaruskija rubli. Zamiest hetaha kasirka naličyła jamu hrošaj u 10 razoŭ bolš. Mužčyna ŭziaŭ rubli i syšoŭ.
Niedastača vyjaviłasia praź niekalki hadzin. Bank pryznaŭ, što mužčyna nie paniasie nijakaj adkaznaści i ŭ krajnim vypadku hrošy budzie viartać kasirka.
U razmovie ź Jeŭraradyjo fakt viartańnia hrošaj paćvierdziŭ namieśnik kiraŭnika banka Siarhiej Čučko. Jon raspavioŭ, što mužčyna, jakomu kasirka pamyłkova vydała bolš za 20 tysiač dołaraŭ, pazvaniŭ u bank sam.
Jon patłumačyŭ prysvajeńnie hrošaj tym, što adrazu pakłaŭ usiu atrymanuju sumu ŭ partfiel i nie viedaŭ, kolki tam nasamreč hrošaj. A paśla źjechaŭ ź Minska na niekalki dzion.
Siarhiej Čučko taksama adznačaje, što u bank źviarnułasia vielmi šmat ludziej, jakija apaznali mužčynu ź videazapisu. Pazvaniła i žančyna ź videa. Jana vyjaviłasia supracoŭnicaj handlovaha doma «Ždanovičy» i prosta vypadkova stajała ŭ čarzie za mužčynam.
Usie, chto dapamahaŭ u pošukach hrošaj, ad uznaharody admovilisia. A voś los kasirki, jakaja dapuściła pamyłku, pakul nieviadomy.Ci budzie jana dalej pracavać u banku, vyrašycca na admysłovym pasiedžańni.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy25
Kamientary