Fiule: Biełaruś viedaje, što nieabchodna zrabić dla ŭstanaŭleńnia narmalnych adnosin ź ES
«Biełaruś viedaje, što nieabchodna zrabić dla ŭstanaŭleńnia narmalnych partniorskich adnosin ź Jeŭrasajuzam — vyzvalić i reabilitavać palitźniavolenych», — zajaviŭ jeŭrakamisar pa pytańniach pašyreńnia i dobrasusiedstva Štefan Fiule, vystupajučy 28 maja na pasiadžeńni Parłamienckaj asamblei Uschodniaha partniorstva (Jeŭraniest). Tekst vystupleńnia raźmieščany na aficyjnaj staroncy jeŭrakamisara ŭ internecie.
«U toj ža čas my šukajem šlachi dla raźvićcia dyjałohu z uładami ŭ Minsku ŭ ramkach našaj palityki krytyčnaha ŭzajemadziejańnia, a taksama praciahvajem rabić upor na inicyjatyvu „Dyjałoh ab madernizacyi“, jakuju my zasnavali z hramadzianskaj supolnaściu ŭ Biełarusi», — skazaŭ Fiule.
Pavodle jaho słoŭ, 2013 hod stanie vyrašalnym dla Uschodniaha partniorstva. «Rašeńni, jakija buduć pryniatyja na listapadaŭskim samicie ŭ Vilniusie, vyznačać dalejšyja kroki, — skazaŭ Fiule. — Ja nie mahu nie padkreślić važnaść i nieabchodnaść praviadzieńnia ŭzhodnienych reform, kali my navažanyja pahłyblać našy adnosiny i razam ruchacca na nastupny ŭzrovień. Jeŭrasajuz uśviedamlaje svaju adkaznaść, ale asnoŭny ciažar lažyć na našych partniorach».
Siarod abaviazacielstvaŭ ES Fiule nazvaŭ padpisańnie pahadnieńnia ab asacyjacyi z Ukrainaj, praviadzieńnie finalnych pieramoŭ pa padrychtoŭcy anałahičnych pahadnieńniaŭ z Małdovaj, Hruzijaj i Armienijaj, zaklučeńnie pahadnieńniaŭ ab spraščeńni vizavaha režymu i readmisii z Armienijaj i Azierbajdžanam.
Nahadajem, siesija Jeŭraniesta prachodziła ŭ Brusieli 28–29 maja. Deputaty Jeŭraparłamienta i krain — členaŭ Uschodniaha partniorstva abmierkavali šerah pytańniaŭ, u tym liku situacyju ŭ Biełarusi. Ad Biełarusi ŭ pasiadžeńni Jeŭraniesta ŭdzielničali tolki pradstaŭniki apazicyi.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary