Biełaruskaja kvatera «pad kluč»: dzirki ŭ ścienach, dźviery vyvalvajucca, vanna nie ŭłazić — foty
Z takim paradoksam sutyknulisia budučyja žychary 14-paviarchovaha doma, niadaŭna uźviedzienaha ŭ Homieli. Siaredniaja cana kvatery - 400 miljonaŭ rubloŭ. Haspadary hetyja hrošy znajšli, zapłacili, ale zajechać u svaje kvatery nie mohuć.
Z adździełkaj abo biez budavać kvatery - usio čaściej hetym pytańniem zadajucca budučyja navasioły. Viadoma, šmat kamu zručniej atrymać klučy i adrazu pierajechać. U hołych ža ścienach pryjdziecca jašče papracavać. Ale, jak akazvajecca, i ŭ kvaterach z ramontam taksama časam žyć niemahčyma. Špalery advalvajucca, u voknach ščyliny, a byvajuć i zusim paradaksalnyja vypadki.
«Hetaja kvatera z adździełkaj, ale žyć u joj nielha, - raspaviadaje ŭdzielnica dolevaha budaŭnictva Neli Paradzina. - Hety linoleum ŭžo zabity, jon prosta staptany, sapsavany, z takim linoleumam žyć niemahčyma. Ja paśpieła ŭ hetaj kvatery admovicca tolki ad špaleraŭ. Što b tut nakleili i jak - nikomu nie viadoma».
Azdableńnie ŭ svajoj kvatery žančyna nazyvaje ledź ledź nie złačynstvam.
U dvuchpakajovaj «pad kluč» -- dzirki ŭ ścienach, zaklinavała vokny i raźbitaja dźviery. Uvachodnyja dźviery prosta vyvaliłasia ŭ kalidor. I žyllo nijakaje nie sacyjalnaje. Kaapieratyŭnaje. Dolščyki budavali ŭ kredyt i za svaje «kreŭnyja». Košt kvadratnaha mietra - bolš za siem miljonaŭ rubloŭ. Žančyna ździŭlajecca, čamu za takija hrošy treba vyprošvać minimalnuju jakaść pracy.
«Azdableńnie ŭ majoj kvatery kaštuje kala 40 miljonaŭ, navat bolš. Za hetyja hrošy ja mahła b zrabić jakasny ramont. Dziaržaŭnaja azdableńnie, na žal, nie adpaviadaje hetym patrabavańniam, i da hetaha času nijakaha ramontu ŭ svajoj kvatery ja nie baču. Dom zdadzieny ŭ sakaviku, krasavik, maj ja płaču kredyt amal 2,5 miljona ŭ miesiac, ale zasialicca siudy nie mahu », - kaža Paradzina.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary