Haradzienski KDB dapytvaje studentaŭ na pradmiet ich udziełu ŭ pracy niezaležnaha biełaruskaha telekanału BIEŁSAT.
Častyja pajezdki ŭ Polšču stali pryčynaj taho, što supracoŭniki Upraŭleńnia KDB pa Haradzienskaj vobłaści amal try hadziny dapytvali dvuch vypusknikoŭ miascovaha kulinarnaha kaledžu.
Chłopcaŭ (pa prośbie maładzionaŭ nie nazyvajem ich imionaŭ) trymali ŭ adnym z kabinietaŭ kdbešnaha centralnaha budynku pa vulicy Telmana, 10. Dva śledčych, adzin ź jakich adrekamiendavaŭsia Alaksandram Iosifavičam, nastojliva raspytvali, ci nia majuć maładziony dačynieńnia da telekanału BIEŁSAT. Kali chłopcy zajavili što ich pajezdki ŭ Polšču mieli tolki pryvatny charaktar, kadebisty pačali zapałochvać chłopcaŭ kryminalnym kodeksam, a mienavita artykułami pra špijanaž i dyskredytacyju Respubliki Biełaruś:
«Nam skazali, što pa adnym artykule nam daduć 3 hady, a pa druhim – 2 hady. Jašče jany pabačyli ŭ nas na rukach fieńki z businaŭ - to čamuści zajavili, što ŭ turmie “takich lubiać»!, - aburajucca chłopcy. Kali padčas dopytu adzin z chłopcaŭ paprasiŭsia ŭ prybiralniu, śledčy prymusiŭ jaho rabić usie spravy pry adčynienych dziaviarach i ŭ svajoj prysutnaści. Na raźvitańnie kadebisty vykazali žadańnie vyklikać na dopyt baćkoŭ maładzionaŭ.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary