Niamiecki startap paśpiachova pravioŭ vyprabavańni hipierhukavoj rakiety. Heta ŭraŭnuje Jeŭropu z Rasijaj
Niamiecki startap ź Miunchiena paśpiachova pravioŭ vyprabavańni hipierhukavoj rakiety — technałohii, jakoj dahetul, jak ličyłasia, vałodała tolki Rasija.
Takaja rakieta ruchajecca značna chutčej za kulu, što robić jaje vielmi składanaj dla pierachopu srodkami supraćpavietranaj i supraćrakietnaj abarony. Heta moža stać važnym krokam napierad dla ŭzbrojenych sił krain Jeŭropy, piša Bild.
Pavodle infarmacyi kampanii, pieršy ŭdały zapusk hipierhukavoha pratatypa adbyŭsia z narviežskaha kasmadroma Andzioja. Rakieta raźviła chutkaść kala 7300 km/h i zmahła pieraadoleć adlehłaść prykładna 300 kiłamietraŭ.
Pradstaŭnica kampanii Hypersonica ź Fieldkirchiena adznačyła, što heta vialikaje dasiahnieńnie, jakoje pakazvaje: u Jeŭropie za karotki čas možna stvaryć vysokatechnałahičny pradukt, kali nad im pracuje zładžanaja kamanda. Pavodle jaje słoŭ, takija raspracoŭki nieabchodnyja dla abarony svabody i demakratyi.
Pry hetym nahadvajecca, što jašče ŭ 1942 hodzie nacysckaj Hiermanii ŭdałosia vyprabavać zvyšhukavuju rakietu Aggregat 4, adnak jana nie była kiravanaj i ŭ vyniku nie apraŭdała čakańniaŭ.
Startap płanuje pradstavić hatovuju sistemu ŭzbrajeńnia da 2029 hoda. Užo padčas pieršaha vyprabavańnia rakieta była całkam manieŭranaj. Taksama zajaŭlajecca, što košt novaj raspracoŭki prykładna na 80% nižejšy za papiarednija anałahi.
U kampanii ličać, što taki padychod dazvolić Jeŭropie ŭ miežach stratehij NATA i Vialikabrytanii razharnuć hipierhukavyja mahčymaści da 2030 hoda ź istotna mienšymi vydatkami.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary