Uvoz marhancoŭki va Ukrainu moža być kłasifikavany jak kryminalnaje złačynstva
U suviazi z uniasieńniem papravak u zakanadaŭstva Ukrainy ŭ pieralik narkatyčnych srodkaŭ, psichatropnych rečyvaŭ i ich prekursoraŭ uklučany «kalija piermanhanat» (marhancoŭka).U suviazi z hetym nabyćcio, zachoŭvańnie i transparciroŭka nazvanaha rečyva rehulujecca zakonam «Ab abarocie va Ukrainie narkatyčnych srodkaŭ, psichatropnych rečyvaŭ, ich anałahaŭ i prekursoraŭ».
Ab hetym paviedamili ŭ Dziaržaŭnym pamiežnym kamitecie Biełarusi.
U DPK źviartajuć uvahu hramadzian, jakija płanujuć pajezdku na terytoryju Ukrainy, što parušeńni praviłaŭ zachoŭvańnia i pieravozki nazvanaha rečyva praź miažu mohuć być kvalifikavanyja ukrainskimi pravaachoŭnymi orhanami jak złačynstva pa adpaviednych artykułach Kryminalnaha kodeksa Ukrainy, u tym liku i jak «kantrabanda narkatyčnych srodkaŭ, psichatropnych rečyvaŭ, ich anałahaŭ abo prekursoraŭ».
Vykanańnie zakanadaŭstva krainy znachodžańnia (tranzitnaha prajezdu), pavaha jaje palityčnaha i sacyjalnaha ładu, zvyčajaŭ, tradycyj, relihii — heta abaviazak zamiežnikaŭ, jakija naviedvajuć krainu. «Dla hetaha nieabchodna vyśvietlić usiu infarmacyju ab toj krainie, u jakuju vy źbirajeciesia ździejśnić pajezdku», — padkreślili ŭ DPK.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary