Pad zaklikam «Amnesty International» vyzvalić biełaruskich palitviaźniaŭ padpisvajucca internet-karystalniki z usiaho śvietu
Pietycyja pa Biełarusi: Svabodu palitviaźniam
Pavažany prezident Łukašenka!
«Mižnarodnaja amnistyja» zaklikaje da nieadkładnaha i biezumoŭnaha vyzvaleńnia mirnych demanstrantaŭ, jakija byli zatrymany orhanami biaśpieki padčas demanstracyjaŭ u suviazi z vynikami apošnich vybaraŭ prezidenta Biełarusi. «Mižnarodnaja amnistyja» žadaje nahadać biełaruskamu ŭradu, što jon padparadkoŭvajecca Kanviencyi AAN ab hramadzianskich i palityčnych pravach, artykuł 19 jakoj kaža ab tym, što «kožny maje prava na svabodu volevyjaŭleńnia».
Tyja, chto padpisaŭ Pietycyju, padtrymlivajuć aficyjnyja patrabavańni «Mižnarodnaj amnistyi» i zaklikajuć biełaruskija ŭłady vyzvalić usich, chto byŭ zatrymany za zakonnaje i mirnaje vyjaŭleńnie svaich pohladaŭ. Biełaruskija ŭłady pavinny harantavać ćviordaje vykanańnie mižnarodnych standartaŭ pa pravach čałavieka u dziejańniach milicyi, što demanstranty nie źbivajucca i nie paddajucca inšym formam hvałtu.
Padpisańniem hetaj Pietycyi my taksama zaklikajem biełaruskija ŭłady vyzvalić usich viaźniaŭ sumleńnia, jakija źniavoleny na praciahu niekalkich hadoŭ, nieadkładna i biezumoŭna.
My zaklikajem biełaruskija ŭłady harantavać siabram arhanizacyj «Zubr», «Biełaruskaja asacyjacyja studentaŭ», «Małady front», ruchu «Chopić» i ŭsim mirna pratestujučym hramadzianam svabodu ad sudovaha pieraśledu i pryhniotu prosta za niehvałtoŭnaje vykarystańnie svaich pravoŭ na svabodu volevyjaŭleńnia, schodaŭ dy abjadnańniaŭ.
Pastavić svoj podpis pad petycyjaj možna pa hetym adrasie.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary