U konkursie «Što ja viedaju pra Jeŭropu?» pieramahli navahrudskija školniki
U Vilni prajšoŭ finał Ch Nacyjanalnaha konkursu školnych kamandaŭ.
U finale brali ŭdzieł kamandy-pieramožcy paŭfinalnych hulniaŭ, jakija prajšli ŭ traŭni ŭ Mahilovie, Horadni i Miensku:
• «Eŭra-M» (Mahiloŭ),
• «Biełaruskaje koła» (Navahradak),
• «Razam» (Maładečna)
• «DVDend» (Žodzina).
U składzie žury byli staršynia Mižnarodnaha kansorcyjumu «EŭraBiełaruś» Uład Vialička, namieśnik staršyni ruchu «Za svabodu» Aleś Łahviniec, kaardynatar studenckich daśledavańniaŭ Eŭrapiejskaha humanitarnaha ŭniversytetu Iryna Łunievič, žurnalist Vadzim Aleksandrovič.
Vioŭ konkurs viadomy aktor i televiadoŭca Juraś Žyhamont.
Na pačatku hulni ŭdzielnikaŭ vitali Nadzvyčajny i Paŭnamocny Pasoł Litoŭskaj Respubliki ŭ Respublicy Biełaruś Evałdas Ihnatavičus i niaźmienny arhanizatar konkursu, kiraŭnik arhkamitetu Ihar Lalkoŭ.
Pa vynikach piaci etapaŭ, padčas jakich udzielniki musili prademanstravać svaje viedy z histaryčnaj hieahrafii Eŭropy, bijahrafijaŭ słavutych dziejačaŭ eŭrapiejskaj (u tym liku i biełaruskaj) kultury, navuki, palityki, vybitnych asobaŭ paŭstańnia 1863–64 hadoŭ i navat muzyki roznych eŭrapiejskich narodaŭ, pieramohu atrymała kamanda «Biełaruskaje koła» z Navahradku.
Pieramožcy pajeduć u Brusel.
Kamientary