Łukašenka ŭchvaliŭ stvareńnie Biełaruskaj cemientnaj karparacyi
Alaksandr Łukašenka ŭchvaliŭ stvareńnie nacyjanalnaj chołdynhavaj struktury «Biełaruskaja cemientnaja karparacyja». Pra heta išła havorka 16 žniŭnia padčas naviedvańnia prezidentam filijała «Kryčaŭcemient» AAT «Kryčaŭcemientnašyfier» (Mahiloŭskaja vobłaść).
Płanujecca, što ŭ skład chołdynha ŭvojduć try pradpryjemstvy pa vytvorčaści cemientu — Biełaruski cemientny zavod, AAT «Krasnasielskbudmateryjały» i AAT «Kryčaŭcemientnašyfier», a taksama
U vyniku intehracyi čakajecca źnižeńnie sabiekoštu budaŭničych materyjałaŭ, vyrablenych na asnovie cemientu i vapny, rost vałavoha dadadzienaha koštu, rentabielnaści prodažu, vyručki na adnaho rabotnika, asvajeńnie novych vidaŭ kankurentazdolnaj pradukcyi z cemientu z vysokim dadadzienym koštam, pašyreńnie rynkaŭ zbytu, rost abjomaŭ prodažy i valutnaj vyručki.
«Kali vy vyrašyli stvarać taki chołdynh, kiraŭniki pradpryjemstvaŭ nie suprać, heta pryniasie efiektyŭnaść, — dziejničajcie», — cytuje Łukašenku dziaržaŭnaje ahienctva BiełTA.
«Ale kali vy takim čynam dumajecie zaretušavać prablemy — nie atrymajecca. U kancy pavinna być ekanomika, efiektyŭnaść. Ja nie budu u vas pytacca, pa jakoj canie zakuplajecie syravinu, pradajacie hatovuju pradukcyju, mianie budzie cikavić ahulny vynik. Tamu, robiačy hety krok, adrazu dumajcie, jak vy budziecie rabić spravazdaču pa ekanomicy», — adznačyŭ kiraŭnik dziaržavy.
Pavodle jaho słoŭ, chołdynh pavinien pakazvać efiektyŭnuju pracu. «Prybytak, rentabielnaść — heta dobra, ale pavinny być hrošy», — dadaŭ Łukašenka. Stvareńnie takoha chołdynha pavinna być nieabchodnaściu, a nie daninaj modzie, ličyć jon.
Kamientary